‘नेताको व्यवहार जुम्राले लाश छाडेजस्तो’


आस्था केसीको गजल कृति ‘उज्यालोको खोजी’ सार्वजनिक

प्रकाशित मिति :2018-07-09 10:20:00

–महिला खबर–

काठमाडौं । कवि, गजलकार आस्था केसीको गजल कृति ‘उज्यालोको खोजी’ सार्वजनिक भएको छ ।

संवाद डबलीमा भएको कार्यक्रममा अन्तर्राष्ट्रिय गजल मञ्च नेपालको आयोजनामा भएको सो कार्यक्रममा प्रमुख अतिथि गजलकार ललिजन रावलले उक्त कृतिको विमोचन गरे ।

सोही अवसरमा प्रदीप थापाको ‘रुवाई’ गीत गजल कृति ‘प्रयास’ र एल्बम ‘प्रयास’को पनि विमोचन गरियो ।

गजलकार रावलले गजल तथा साहित्यले समाजलाई परिर्वतनमा अहम् भूमिका खेल्ने बताए । उनले अन्य साहित्यजस्तै गजलको रचना र संरचना प्रक्रियालाई समय क्रमसँगै श्रष्ठाहरुले आफू अनुकुल व्याख्या गर्ने गरेको र रचना गर्न थालेको धारणा राखे ।

‘उज्यालोको खोजी’ गजल संग्रहकी गजलकार आस्था केसीले आफू १५\१६ वर्षको किशोरी अवस्थामै जनयुद्धमा लागेको र त्यही समयबाट नै गीत, कविता र गजल पढ्न र लेख्न थालेको बताइन् ।

उनले आफूले औपचारीक रुपले गजल विधाको अध्ययन नगरे पनि हिजोका आँधी हुरीमय युद्धकालिन् मुक्ति यात्राले सिकाएको र अझै सिक्दै गरेको बताइन् ।

केसीले आफूहरुले जनयुद्ध तथा मुक्त यात्रामा हुँदा देखेका सपना नेतृत्वले चक्नाचुर पारेकोप्रति पीडा व्यक्त गर्दै भनिन्, ‘शान्ति प्रक्रियापछि नेतृत्वले कार्यकर्तालाई जुम्राले लाश छाडेजस्तै जीवन अस्तव्यस्त बनाई दिए ।’ उनले हिजो आफू वर्ग मुक्तिको यात्रामा लागेको र आज पनि वर्गीय मुक्तिको लागि साहित्य सृजना गर्ने बताइन् ।

दश कक्षा पढ्दै गर्दा भूमिगत भएदेखि नै साहित्य पढ्न र लेख्न थालेको र प्रचण्डलाई नचिन्दै आफूहरुले प्रचण्डपथ अंगालेको बताउने केसीले त्यो समयमा लेखिएका जनपक्षिय साहित्य आज हेर्दा अचम्म लाग्ने गरेको बताइन् । ‘जुन सपना बोकेर हामीहरु जनयुद्धमा इमान्दार भई लड्यौं । तर त्यो पूरा हुन सकेन’ केसीले भनिन्, ‘आंशिक परिवर्तन मै चित्त बुझाउनु परेको छ ।’

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: