आमाको हक खोज्दा छोरी जलाएर मारेको आरोपमा बुबा र हजुरआमा पक्राउ


प्रकाशित मिति :2018-07-09 15:01:37

–महिला खबर–

ललितपुर । सुतिरहेकी छोरी जलाएको आरोपमा बुबा, हजुरआमा र फुपू विरुद्ध जिल्ला अदालत रुपन्देहीमा मुद्दा दर्ता भएको छ ।

रुपन्देहीको कञ्चन गाउँपालिका वडा नम्बर ५ की १५ वर्षीया समिक्षा ठकुरीलाई जलाएर मारेको आरोपमा उनका बुबा तेजेन्द्र ठकुरी, हजुरआमा हरिकला ठकुरी फुपू मधु र अम्बिका ठकुरीको नाममा आईतबार जिल्ला अदालत रुपन्देहीमा मुद्दा दर्ता भएको इलाका प्रहरी कार्यालय बुटवलले जनाएको छ ।

समिक्षाका मामा बमबहादुर दर्लामीले चारै जना विरुद्ध मुद्दा दर्ता गराएका हुन् ।

समिक्षाको फायल फोटो ।

प्रहरीका अनुसार यहि असार ९ गते राती ३ बजेको समयमा आफ्नै घरमा सुतिरहेको बेला आगोमा जल्दै गर्दा समिक्षा चिच्याएपछि छिमेकीले उद्धार गरी बिहानपख उपचारका लागी पाल्पाको सिटी अस्पताल पु¥याएका थिए ।

सिटी अस्पतालमा उपचार हुन नसकेपछि उनलाई काठमाडांैको किर्तीपुरमा रहेको बर्न अस्पतालमा ल्याइएको थियो । उपचारकै क्रममा असार २० गते बुधबार उनको ज्यान गएको थियो ।

ईलाका प्रहरी कार्यालय बुटवलका डीएसपी डिलबहादुर मल्लले घटना रहस्यमय तरिकाले भएको देखिए पनि अनुसन्धान प्रक्रियामा रहेको हुँदा केहि भन्न नसकिने बताए ।

घटना भएको १३ दिनपछि इलाका प्रहरी कार्यालयमा चारै जनाको नाममा किटानी जाहेरी परेपछि आइतबार मात्रै जिल्ला अदालतमा मुद्दा दर्ता गरिएको डिएसपी मल्लले बताए ।

किटानी जाहेरी पश्चात मृतकका बुबा र हजुरआमालाई पक्राउ गरी अनुसन्धान थालेको उनको भनाइ छ ।

समिक्षाकी आमा माया थापाका अनुसार समिक्षा ९ महिनाकी छँदा उनका बुवा तेजेन्द्र ठकुरीले दोस्रो बिहे गरे । दोस्रो बिहेपछि तेजेन्द्रले आफूलाई रातदिन कुटपिट गर्न थालेपछि ९ महिनाकी छोरी बोकेर माइतीमा बस्न थालेको उनले बताइन् ।

छोरीकै लालनपालनका लागि उनलाई माइतीको जिम्मा लगाएर विदेशमा काम गर्दै आएकी माया छोरी जलाइएको चौथो दिन नेपाल पुगेकी छन् ।

माया बैदेशिक रोजगारमा हुँदा समिक्षाको लालनपालन उनको माईतीले गर्दै आएका थिए ।

मायाका अनुसार कक्षा १ देखि १० सम्म मामा घरमै बसेर पढेकी समिक्षालाई गत वर्षको तिहारपछि उनका बुबा तेजेन्द्रले अब छोरीलाई आफै पाल्ने भन्दै आफ्नो घर लगेका थिए ।

तर घर लगेपछि हजुरआमा, फुपू र बुवाले कुटपिट गर्ने गरेको कुरा समिक्षाले बताउँदै आएको उनका मामाका छोरा बिनोद दर्लामीले महिला खबरलाई बताए ।

यस्तै समिक्षाले बुझ्न थालेदेखि नै आफूलाई म तपाईंको हक दिलाएरै छोड्छु भन्दै आएको मायाले बताइन् ।

उनका अनुसार मेरो आमालाई किन दुख दिएको भन्दै समिक्षाले बुबा र हजुरआमासँग आफ्नो र आमाको हकका लागि अब म लड्छु भन्दै आएकी थिइन् ।

समिक्षाले कानुनी अधिकारको लागि आवाज उठाउँछिन् र उनलाई अंशसहित लालनपालन र अध्ययनमा खर्च गर्नुपर्छ भन्ने डरले उनको हत्या गरिएको आरोप माया र उनका माइती पक्षको छ ।

समिक्षाका मामा र आमाले दोषीलाई पक्राउ गरी कडा सजायको व्यवस्था नगरेसम्म शब नबुझ्ने अडान राखेपछि समिक्षाको शब शिक्षण अस्पताल महाराजगञ्जमा राखिएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: