सबैभन्दा कान्छी ‘आत्मनिर्भर अरबपति’


प्रकाशित मिति :2018-07-13 15:46:07

ललितपुर । फोर्ब्स म्याग्जिनका अनुसार, ‘किपीङ्ग अप वीथ कार्डसियनस्’ टेलिभिजन कार्यक्रमकी कलाकार काइली जेनर बीस वर्षमै आफ्नै बलबुतामा ९ सय मिलियन डलरकी मालिक भएकी छन् ।

अमेरिकामा फेसन गुरुको रुपमा ख्याति प्राप्त जेनर कार्डसियन परिवारकी सबैभन्दा कान्छी सदस्य हुन् । उनले दुई वर्ष अगाडि श्रृङ्गार सामग्री व्यापारको शुरुआत गरेकी थिइन् ।

उनलाई ३७ वर्षीया दिदी किम कार्डसियन वेस्टसँग तुलना गर्दा जेनर नै बढी धनी छिन् । उनकी दिदीको सम्पत्ति ३ सय ५० मिलियन डलर रहेको छ । किम पनि लोकप्रिय अमेरिकी कलाकार र व्यक्तित्व हुन् ।

काइली जेनर अगष्ट महिनामा २१ वर्ष पुग्नेछिन् ।

जेनरले सन् २०१५ मा उनको ‘किपिङ्ग अप वीथ कार्डसियन’ टेलिभिजन कार्यक्रम चलिरहेको बखतमा उनलाई आफ्ना ओठहरूप्रति विश्वास नभएको र कृतिम तरिकाले यसलाई परिवर्तन गर्ने इच्छा व्यक्त गरेकी थिइन् ।

त्यसपछि उनले आफ्नो ब्राण्ड ‘काइली श्रृङ्गार सामग्री’को प्रारम्भ गरेकी थिइन् । जुन सामग्रीहरु ग्राहकको ओठलाई ठूलो, आकर्षक र उपयुक्त आकारको बनाउने खालका थिए ।

पुराना परम्परागत श्रृङ्गारका सामग्री बेच्ने तरिका नअपनाएर जेनरका प्रायः सबै उत्पादनहरूलाई व्यापक रुपमा अनलाइनमार्फत् बिक्री गरियो ।

जेनरका उत्पादनहरू उनका प्रशंसकहरू माझ धेरै लोकप्रिय भयो र उत्पादनहरुको माग ह्वात्त बढ्यो । बिक्री पनि वेवसाइटहरुमार्फत् सबैतिर फैलियो र छिट्टै भयो ।

फोर्ब्सका अनुसार जेनरको आफ्नो कम्पनिको सम्पत्ति ८ सय मिलियन डलर रहेको छ ।

अमेरिकाको सबैभन्दा स्वाबलम्बी धनी व्यक्तिहरुको फोब्र्स सूचीमा जेनर २७ औं नम्बरमा पर्छिन् भने अन्य महिलामा बार्बरा स्टे«सान्ड (४ सय मिलियन डलर), बियोन्स नोलेस (३३५ मिलियन डलर) र टेलर स्वीफ्ट (३२० मिलियन डलर) पर्छन् ।

जेनर फेसबुकका संस्थापक मार्क जुकरबर्गभन्दा कम उमेरमा अरबपति बन्ने क्रममा छिन् ।

मार्क जुकर २३ वर्षको उमेरमा अरबपति भएका थिए ।

हुनत स्न्यपच्याटका मालिक इभान स्पीगल २० वर्षको उमेरमा अरबपति भएको भनिएता पनि उनले त्यो लक्ष्य कहिले हासिल गरे भन्ने कुरा स्पष्ट छैन ।

जेनरले आफ्नो इन्स्टाग्रामका ११० मिलियन फलोअरका लागि लेख्दै भनिन् ‘वा ! म विश्वासै गर्न सक्दिन म मेरो फोर्ब्स कभर यहाँ पोष्ट गरिरहेको छु । यो लेख र सम्मानको लागि धन्यवाद ! हरेक दिन आफूले चाहेको कुरा गर्न पाउँदा मैले आफूलाई अत्यन्त भाग्यमानी पाएकी छु ।’

जेनर पहिलो पटक दश वर्षको उमेरमा आफ्नो परिवारसहितको टेलिभिजन रियालिट कार्यक्रमबाट चर्चामा आएकी हुन् ।

सामाजिक सञ्जालका कतिपय प्रयोगकर्ताहरुले फोर्ब्समा जेनरले स्वयं आर्जन गरेकोे सम्पत्ति भनिएता पनि उनको आमाबाबु पहिलेदेखि नै प्रसिद्ध र धनी थिए भन्ने प्रतिक्रिया व्यक्त गरेका थिए ।

साभार – बीबीसी

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: