घरमै सुत्केरी गराउँदा मृत्यु


प्रकाशित मिति :2018-07-13 16:25:11

–रमेश रावल–

कालिकोट । जिल्लाको तिलागुफा नगरपालिका वडा १० रुडुकी राइकोशा थापाको घरमै सुत्केरी हुँदा मृत्यु भएको छ ।

ढिलोगरी प्राप्त समाचार अनुसार थापाले मंगलबार राती १० बजे घरमै शिशु जन्माएकी थिइन् । सुत्केरी भएको दुई घण्टासम्म पनि रक्तश्राव हुन नरोकिएपछि उनको ज्यान गएको उनका श्रीमान कालीबहादुर थापाले बताए ।

‘डाक्टरहरुले घरमा सुत्केरी नगराउन सल्लाह दिएका थिए’ उनले पश्चाताप गर्दै भने, ‘घरबाट अस्पतालसम्म बोक्ने मान्छे नहुँदा घरमै सुत्केरी गराउनुपर्यो ।’

एक महिना अघि गर्भ जाँच गराउन आउदा राइकोशामा रक्तअल्पता भएको देखिएको र उनलाई अस्पतालमा मात्रै सुत्केरी गराउन सुझाव दिएको तिलागुफा नगरपालिका वडा नं. १० चिल्खाया स्वास्थ्य चौकीका ईन्चार्ज दुर्गाप्रसाद आचार्यले बताए ।

‘एक महिना अगाडी थापा स्वास्थ्य चौकीमा गर्भ चाँच गराउन आउनु भएको थियो । हामीले घरमा सुत्केरी नराउन सुझाव दिएको थियौं ।’ उनले भने, ‘तर, परिवारले हामीले दिएको सुझाव नमान्दा दुर्घटना भएछ । दुःख लाग्यो ।’

गत वर्ष तिलागुफा नगरपालिका वडा नं. ११ की हरिशोभा बि.क.को पनि रक्तअल्पताका कारण मृत्यु भएको थियो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: