पत्रकार महिलालाई सम्पादन तालिम


प्रकाशित मिति :2018-07-15 13:22:15

–महिला खबर–

काठमाडौं । क्रियाशील पत्रकार महिला (डब्लुडब्लुजे) ले पत्रकार महिलालाई एक दिनेको समाचार तथा फिचर सम्पादन तालिम दिएको छ ।

संचार तथा सूचना प्रविधी मन्त्रालयको सहयोगमा आयोजित तालिमको उद्घाटन गर्दै मन्त्रालयका सचिव महेन्द्रमान गुरुङले पत्रकारिता समाजभन्दा बाहिर जान नसक्ने हुनाले समाज परिवर्तन गरी देश विकास गर्न यसको महत्वपूर्ण भूमिका रहने बताए ।

नेपाल सरकारले हाल राष्ट्रिय आम संचार नीति निर्माण गर्दै गरेकाले पत्रकार महिला मैत्री नीति बनाउनेमा आफूले पहल गर्ने प्रमुख अतिथी गुरुङले बताए ।

कार्यक्रममा हालै गोरखा पत्र संस्थानको निमित्त महाप्रवन्धकमा नियूक्त गरिएका हरिकला अधिकारीलाई सम्मान गरिएको थियो । कार्यक्रममा सम्मानित पत्रकार अधिकारीले आफूले उक्त पदसम्म पुग्नका लागि गर्नुपरेको संघर्षको अनुभव सुनाइन् ।

कार्यक्रममा नेपाल पत्रकार महासंघकी सदस्य जानुका बरालले महासंघले पत्रकार महिलाका लागि आगामी दिनमा गर्न लागेका कार्यक्रमका बारेमा जानकारी दिइन् ।

तालिमका श्रोत व्यक्ति नागरिक दैनिकका प्रधान सम्पादक गुणराज लुईटेलले पत्रकार महिलाले आफूले कुनै एउटा बिट समातेर काम गरे पनि सबै विषयमा उत्तिकै जानकार हुनु आवश्यक रहेको बताए । तालिमले पत्रकार महिलालाई रिपोर्टिंगमा मात्र नभई डेस्कमा बस्न समेत सक्षम बनाउने उनले बताए ।

कार्यक्रममा संस्थाकी अध्यक्ष अमिका राजथलाले तालिम संचालन गर्नुको उद्देश्य प्रकाश पार्दै डब्लुडब्लुजेले पत्रकार महिलाको क्षमता अभिवृद्धिका लागि आगामी दिनमा पनि यस्ता कार्यक्रमलाई निरन्तरता दिने बताइन् ।

यस्तै संस्थाले पत्रकार महिलाको रोस्टर तयार गर्ने, वरिष्ठ पत्रकार महिलाका प्रोफाइल तयार गर्ने र अग्रज पत्रकार महिलालाई सम्मान गर्ने कार्यक्रम पनि तय गरेको उनले जानकारी दिइन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: