जबरजस्ती हुने विवाह रोक्न चम्चा प्रयोग


प्रकाशित मिति :2018-07-15 14:32:23

संयुक्त अधिराज्यको लीड्स शहरको एउटा विद्यालयले जबरजस्ती गराइने विवाहलाई रोक्न विद्यार्थीहरूलाई चम्चा दिएको छ ।

यो सचेतना अभियानको क्रममा उनीहरूलाई यात्रा गर्दा ती चम्चाहरू आफ्ना भित्री कपडाहरू जस्तै कट्टुमा लुकाउन पनि सिकाइएको छ । यसो गर्दा विमानस्थलमा सुरक्षा जाँचको क्रममा प्रयोग गरिने यन्त्र (मेटल डिटेक्टर) ले त्यो धातुको चम्चाको आवाज निकाल्छ ।

त्यहाँको कोपरेटिभ एकेडेमीका विद्यार्थीहरूलाई यदि उनीहरूलाई विदेश लगेर दबाबमा विहे गराईंदै छ भन्ने डर वा शंका लागेमा त्यो चम्चा आफ्नो शरीरमा लुकाएर यात्रा गर्न सल्लाह दिइएको छ । यो तरिका अपनाए विमानस्थलहरूमा प्रयोग गरिने मेटल डिटेक्टर बज्ने छ र सुरक्षा कर्मचारीहरूको ध्यान गोप्यरुपमा खिच्न सकिन्छ ।

विद्यालयकी हरिन्दर कौर भन्छिन्, ‘यी चम्चाहरूको प्रयोगले जीवन बचाउन’ सकिन्छ । उनले भने अनुसार संयुक्त अधिराज्यसँग सम्बन्धित ८० प्रतिशत बलजफती गरिने विवाहहरू गर्मी बिदाको बेलामा देशबाहिर हुने गरेको पाइएको छ ।

‘हामीलाई थाहा छ, छ हप्ताको लामो छुट्टीमा विद्यालय र विद्यार्थीहरूका परिवारहरूबीच कुनै सञ्चार हुँदैन । यो मौकामा ती परिवारहरू देशबाहिर जान्छन्, आफ्ना बालबालिकाको विवाह गर्छन् र यहाँ फर्कन्छन्’ उनले भनिन् ।

“यो हाम्रो विद्यालयका बालबालिकालाई सुरक्षाको बाटो छ है भनेर सचेत गराउने प्रक्रिया हो,” उनले थपिन् ।

सन् २०१४ को जुन महिनादेखि विवाह गर्न बाध्य बनाउने क्रियाकलाप दण्डनीय अपराधकोरुपमा कानून मार्फत् लागू भएको छ ।

छोराछोरीहरूलाई जबरजस्ती विवाह गराउने बाबुआमाले सात वर्षसम्मको कारागारको सजाय भोग्नु पर्ने हुन्छ । यो अभियान विरुद्ध लागेका धेरै संघसंस्थाहरू त्यहाँ सक्रिय छन् ।

साभारः– बीबीसी

    Comment Here!

Related NEWS
मुख्य खबर

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

Read more
© 2015.All rights reserved by mahilakhabar.com
%d bloggers like this: