सात गर्भवतीको हेलिकोप्टरमार्फत उद्धार


प्रकाशित मिति :2018-07-16 11:46:23

रत्न भण्डारी (रबिन)

हुम्ला । जेठ र असारमा मात्रै हुम्लाका दुर्गम क्षेत्रका सात जना गर्भवती महिलाको हेलिकोप्टरबाट उद्धार गरिएको छ ।

गएको जेठ ९ गतेदेखि असार असार १९ गतेसम्म जिल्लाको दक्षिणी क्षेत्रका सात जना गर्भवतीलाई व्यथा लागेर निकै जटिल अवस्थामा पुगेपछी हेलिकोप्टर मार्फत उद्धार गरिएको हो ।

फायल फोटो

तीन देखि चार दिनसम्म सुत्केरी व्यथा लाग्दा पनि शिशु नजन्मिएपछि बर्थिङ सेन्टरको अभावमा गर्भवतीलाई हेलिकोप्टरबाट जिल्ला अस्पताल हुँदै जिल्ला बाहिर लगिएको जिल्ला स्वास्थ्य कार्यालय हुम्लाका प्रमुख रञ्जित कुमार यादवले बताए ।

यादवका अनुसार उद्धार गरिएकामध्ये तीन जनाको जिल्ला अस्पतालमा सफल रुपमा सुत्केरी गराईएको छ । भने अन्य ४ जनालाई जुम्ला, सुर्खेत र नेपालगन्ज लगी सफल रुपमा सुत्केरी गराइएको छ ।

जिल्ला स्वास्थ्य कार्यालय प्रमुख यादवका अनुसार गर्भवती महिलाहरुको उद्धारको लागी आर्थिक सहयोग सम्बन्धित गाउँपालिका र जिल्ला अस्पतालले गरेका हुन् ।

जेठ ९ गते खार्पुनाथ गाउँपालिका वडा न ५ कि लालपुरी कामीको पहिलो पटक हेलिकोप्टरबाट उद्धार गरिएको थियो ।

यसैगरी असार २ गते चङखेली गाउँपालीका वडा न २ मेखालकी कल्पना बुढा, असार ३ गते चङखेली गाउँपालीका कै बसन्ती शाही र असार १२ गते चङखेली गाउँपालीका वडा न ७ कि नन्ददेवी ऐडी, असार १९ गते चङखेली गाउँपालीका वडा न १ कि सम्झना शाही भण्डारीको हेलिकोप्टरमार्फत उद्धार गरिएको हो ।

त्यसैगरी मिती उल्लेख नभएकी ताजाकोट गाउँपालीकाकी जुनकला रोकाया र चङखेली गाउँपालीका वडा न २ कि नन्दपुरी कार्मीको उद्धार गरिएको जिल्ला अस्पतालले जनाएको छ ।

उद्धार गरिएका सातै जना महिलाको उमेर ३० कटेको छैन ।

    Comment Here!

Related NEWS
मुख्य खबर

तिमी अध्यारोमा लुकेर बस छोरी

-रञ्जुश्री पराजुली- छोरी तिमी माथि आफन्तहरूले नै गिद्धे नजर लगाएर टाउको घुमाउँछन्।

बलात्कारी पितृसत्ता

-सुशीला निनाम- युगौ देखि मेरो चेत माथी बलात्कार गरिरह्यो बौद्धिकता माथी बलात्कार गरिरह्यो स्वतन्त्रता माथी बलात्कार गरिरह्यो पितृसत्ताले ।

यो आँधी खोलाको कथा होइन

-मनु लोहोरूङ राई- स्त्री आर्तनदलाई झ्याउरे लय सम्झेर परिस्थितिलाई नचाउँदै लिलाम घटाघटमा नारी अस्मिताको मुल्य फर्छ्यौट गर्ने-

आश्वासनका ढुङ्गा !

-पवित्रा थापा- अचानक लामो लकडाउनसँगै जान नपाएर साहुको मेला मेरो परिवार भयावह महामारीले भन्दा

उर्मिलाको प्रश्न

-सृजना शर्मा- म उर्मिला तिम्री तिम्रो भागको निद्रा लिएर सुतेकी छु युगौँ युग ए राम अनुज, तिम्रै खातिर मैले

Read more
© 2015.All rights reserved by mahilakhabar.com
%d bloggers like this: