दुर्गा प्रसाईंविरुद्ध उजुरी


प्रकाशित मिति :2018-07-26 15:59:55

–महिला खबर–

ललितपुर । बंगलादेशमा डाक्टर पढ्न गएका नेपाली महिलाले शरीरसँग सटिर्फिकेट साटिरहेको भन्दै विवादास्पद अभिव्यक्ति दिने दुर्गा प्रसाईं विरुद्ध राष्ट्रिय महिला आयोग र मानव अधिकार आयोगमा उजुरी परेको छ ।

प्रसाईंमाथि कारबाहीको माग गर्दै प्रमुख प्रतिपक्षी नेपाली कांग्रेसको भातृ संगठन नेपाल विद्यार्थी संघ बिहीबार आयोगमा उजुरी दर्ता गराएका छन् भने अभियन्ता जमुना सुवेदी, अम्बिका कार्की र राज्यलक्षमी श्रेष्ठले मानव अधिकार आयोगमा उजुरी दिएका छन् ।

झापाको विर्तामोडस्थित बीएण्डसी मेडिकल कलेजका प्रबन्ध निर्देशक समेत रहेका प्रसाईंले १४ महिनाअघि गरिएको एक पत्रकार सम्मेलनमा ‘डाक्टर पढ्न बंगलादेश जाने छात्राहरूलाई त्यहाँका प्रोफेसरहरुले करणी गरेर नौ वर्षसम्म राख्ने गरेको’ विवादास्पद अभिव्यक्ति दिएका थिए ।

उक्त अभिव्यक्तिलाई लिएर अहिले विभिन्न सामाजिक सञ्जालहरुमा आलोचना भइरहेको छ । नेविसंघकी केन्द्रीय सदस्य जानुका पन्तले महिलाहरूको अस्मिताविरुद्ध बोल्नेलाई कारबाही माग गर्दै आयोगमा उजुरी दिइएको बताइन् ।

उजुरी दिएको विषयमा नेविसंघले विज्ञप्ती समेत निकालेको छ । विज्ञप्तीमा प्रसाईंलाई कारबाही नगर्ने हो भने मनपरी अझै बढ्ने उल्लेख गरिएको छ ।

मानव अधिकार आयोगमा परेको उजुरीमा प्रसाईंको अभिव्यक्तिले आम नेपाली महिलाहरुको मर्यादामाथि प्रहार गरेको भन्दै गाली बेइजती ऐन २०१६ र सार्वजनिक अपराध र सजाय ऐन बमोजिम कारबाहीको माग गरेका छन् । उनीहरुले प्रसाईंलाई जेल चलान गर्नुपर्ने माग समेत गरेका छन् ।

उक्त अभिव्यक्तिलाई लिएर अहिले विभिन्न सामाजिक सञ्जालहरुमा आलोचना भइरहेको छ ।
यसअघि प्रसाईंले बुधबार झापाको बिर्तामोडमा पत्रकार सम्मेलन गरी आफ्नो १४ महिनाअघिको अभिव्यक्तिलाई तोडमोड गरिएका कारण बङ्गलादेशमा अध्ययनरत नेपाली छात्रामा पर्न गएको चोटप्रति क्षमा याचना गरेका थिए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: