‘थाहा छ ?’ मोबाईल एप


प्रकाशित मिति :2018-07-29 12:18:00

–महिला खबर–
ललितपुर । नागरिकता घटना दर्ता र एकल महिला सुरक्षा कोषसँग सम्बन्धित मोबाईल एप्लीकेशन ‘थाहा छ ?’ शुभारम्भ गरिएको छ ।

अक्सफामको सहयोगमा मानव अधिकारको लागि महिला, एकल महिला समूह (डब्लूएचआर) ले तयार पारेको एप्लीकेशनको एक समारोहकाबीच राष्ट्रिय महिला आयोगका सचिव अनिल कुमार ठाकुरले शुक्रबार शुभारम्भ गरेका हुन् ।

कार्यक्रममा मन्तव्य राख्दै प्रमुख अतिथि समेत रहेका ठाकुरले एप्लीकेशनले नागरिकता पञ्जिकरणको पक्षमा महत्वपूर्ण भूमिका खेल्ने बताए ।

उनले अझै पनि महिलाहरु नागरिकता, एकल महिला सुरक्षा कोषको रकम पाउनबाट समेत बञ्चित हुने गरेको भन्दै यो एप्सले नागरिकता, एकल महिला सुरक्षा कोषको बारेमा कानूनी प्रक्रिया थाहा पाउन सहयोग पुग्ने बताए ।

कार्यक्रममा राष्ट्रिय महिला आयोगकी सरिता ज्ञवालीले एप्सबाट महिलालाई नागरिकता, एकल महिला सुरक्षा कोषबारे जानकारी पाउन सजिलो हुने बताइन् ।

अक्सफार्मका श्रीभक्त बस्नेतले यो एप्सलाई बढीभन्दा बढी क्षेत्रमा लैजान सके महिलाहरुलाई थप सहज हुने बताए ।

 डब्लूएचआरकी कोषाध्यक्ष निर्मला बस्नेतले एप्सबाट सबै प्रदेशका महिलाहरुलाई जानकारी पाउन सजिलो हुने बताइन् ।

कार्यक्रममा अक्सफार्मकी विपना धिमालले प्रगति प्रतिवेदन प्रस्तुत गर्दै तीन महिनाअघि बनेको एप्स हालसम्म पाँच सय भन्दा बढीले डाउनलोड गरिसकेको बताइन् । उनका अनुसार एप्सलाई ७ हजार ४ सय ६७ जनाले हेरिसकेका छन् भने ४० वटा जिल्लामा डाउनलोड गरिएको छ ।

 

के हो ‘थाहा छ ?’ मोबाइल एप्स

आधुनिक सञ्चार संयन्त्र मार्फत नागरिकता, घटना दर्ता सम्बन्धी कानूनी कागजातहरु र एकल महिला सुरषा कोषमा महिलाहरुको पहुँच बनाउने उदेश्यले यो मोबाइल एप्सको निर्माण गरिएको हो ।

के छ एप्समा ?

यो मोबाइल एप्समा नागरिकता, घटना दर्ता तथा एकल महिला सुुरक्षा कोषसँग सम्बन्धीत चित्र कथा, अडियो नाटक, हाजिरी जवाफ, जानकारी पुस्तिका, नियमावली, महत्वपूर्ण फोन नम्बरहरु र सम्बन्धित सोधिने प्रश्नहरु राखिएको छ । जसबाट धेरैभन्दा धेरै जानकारी र ज्ञान पाउन सकिन्छ ।

कसरी पाउन सकिन्छ यो एप्स ?

यो एप्स सबैको लागि निःशुल्क हो । यो डाउनलोड गर्नका लागि मोबाइलको प्ले स्टोरमा गएर ‘थाहा छ ?’ Thahachha ?  लेखेर खोज्न सकिन्छ । यसमा तपाईंले हरियो पृष्ठमा सेतो अक्षरले थाहा छ लेखेको बाकस पाउनुहुन्छ । त्यसलाई डाउनलोड गरी कुनै पनि समयमा इन्टरनेट विना नै हेर्न सकिन्छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: