लैंगिक हिंसा निवारण गर्न युवा परिचालन गर्नुपर्नेमा जोड


प्रकाशित मिति :2018-07-29 15:57:50

–महिला खबर–

लतिलपुर । समाजमा बढ्दै गएको लैंगिक हिंसा अन्त्य गर्न युवाको भूमिका महत्वपूर्ण हुने एक कार्यक्रमका सहभागिले जोड दिएका छन् । ल्याकद्वारा शुक्रबार काठमाडौंमा आयोजित कार्यक्रममा सो कुरामा जोड दिइएको हो ।

कार्यक्रममा प्रमुख अतिथि सर्वोच्च अदालतकी न्यायाधीश सपना प्रधान मल्लले महिलाहरु नजिकको व्यक्तिबाटै हिंसामा पर्ने गरेको बताइन् ।

युवाहरुले हिंसालाई नै बुझ्न आवश्यक रहेको भन्दै जबसम्म लैंगिक हिंसा विरुद्ध सोचको विकास गर्न सक्दैनौ, तबसम्म यसलाई न्यूनिकरण गर्न नसकिनेमा न्यायाशीश मल्लको जोड थियो ।

कार्यक्रममा प्रा.डा.शशी अधिकारीले परम्परागत सोचलाई परिवर्तन गरेर नै लैंगिक हिंसा रोक्न सकिने बताइन् ।

लैंगिक हिंसालाई संविधान र कानूनले नै प्रत्याभूत गरे पनि त्यो लागू हुन नसकेको भन्दै डा.अधिकारीले युवाले नै त्यसलाई परिवर्तन गर्न सक्ने बताइन् ।

कार्यक्रममा युवा तथा खेलकुद मन्त्रालयका उपसचिव महेन्द्र प्रसाद पौडेलले लैंगिक हिंसा अन्त्य गर्न युवाको भूमिका विषयक प्रतिवेदन प्रस्तुत गर्दै लैंगिक हिंसाबाट महिला बढी पीडित हुने गरेको बताए ।

उनले नेपालमा एक करोड ७ लाख युवाहरु रहेको भन्दै उनीहरुलाई लैंगिक हिंसा अन्त्य गर्न परिचालन गर्नुपर्नेमा जोड दिए ।

ल्याककी अध्यक्ष अनिता थपलियाले महिलाहरुमाथि प्रत्यक्ष र अप्रत्यक्ष रुपमा लैंगिक हिंसा हुने गरेको भन्दै न्यूनिकरण गर्न युवाको भूमिका महत्वपूर्ण हुने बताइन् ।

ल्याकका सितल सुवेदीले स्वागत मन्तव्य राखेको कार्यक्रमको सहजिकरण अधिवक्ता पुण्यशिला दवाडीले गरेकी थिइन् ।

    Comment Here!

Related NEWS
मुख्य खबर

म पूरा , तिमी आधा

-मन्जु काँचुली- तिमी– मेरो आकाशको घडामा तैरिने एक टुक्रा अस्थिर बादल मेरो चन्द्रमाको प्रकाशले पानीमा छचल्किने एउटा

मनको सन्दुक

-लक्ष्मी उप्रेती- कति दयनीय उमेरको पर्खाल उफ ! आफ्नै पौरखको सारा सिर्जनामा हुदा पनि उमेरको यो संघारमा आईपुग्दा

कोभिड-१९ महामारीको कारण बिपन्न बर्गका बालबालिका अझ समस्यामा : मानव अधिकार आयोग

नेपालले बाल अधिकार सम्बन्धी महासन्धि अनुमोदन गर्नुका साथै सो महासन्धिमा भएका व्यवस्था तथा अन्तर्राष्ट्रिय मञ्चहरुमा

मखमली सम्झना

-सुष्मा रानाहँमा- घुमाउथिन् आमाले,आफैँ झैं पिसिएको पिठोको फन्के रोटी मन आफैं घुम्थ्यो उमंगको जस्केला वरिपरी धानका बाला झुलेर

च्याति दिँउ भ्रमको साम्राज्य

-प्रेमिला राई- उहिले सर्वहाराको गीत गाउनेहरू आज पनि उहीँ माटोमा उस्तरी नै उहीँ भाका, उहीँ लयमा उहीँ भुइमान्छेका गीतहरू गाइरहेछन त्यो

Read more
© 2015.All rights reserved by mahilakhabar.com
%d bloggers like this: