बलात्कारपछि हत्या गरिएकी बालिकाको दाहसंस्कार


प्रकाशित मिति :2018-07-30 12:29:17

–महिला खबर–

ललितपुर । बलात्कारपछि विभत्स तरिकाले हत्या गरिएकी कञ्चनपुरकी १३ वर्षीया बालिकाको आज दाह संस्कार गरिएको छ ।

जिल्लाको भुजेला घाटमा बालिकाको दाह संस्कार गरिएको अभिभावकले जानकारी दिएका छन् ।

शव यात्रामा बालिकाका आफन्त, नातागोता, स्थानीय, राजनीतिक दलका प्रतिनिधी, नागरिक समाज, पत्रकार लगायत हजारौंको उपस्थिती रहेको बताइएको छ ।

बालिकाका आफन्तले शनिबार बेलुकी नै शव उठाउने मौखिम सहमति गरिसकेका थिए । तर दोषी पत्ता नलागेसम्म शव उठ्न नदिने र शव उठाउनेको घर जलाईदिने आन्दोलनरत समूहको धम्कीका कारण बालिकाको शव उठ्न सकेको थिएन ।

आइतबार विहान महाकाली अस्पतालको शव गृहबाट शव उठाउनै खोज्दा केही व्यक्ति आएर जसले शव उठाउछ, त्यसलाई पनि जिउँदै जलाउछौ भन्ने धम्की दिएपछि शव उठाउन नसकेको बालिकाका दाजुले महिला खबरलाई बताए ।

‘आज बिहान पौन सात बजे नै प्रहरीको बाक्लो उपस्थितीमा शव उठाएर दाह संस्कार गरी भर्खरै घर पुगेँ’ उनले महिला खबरसँग भने ।

घटनामा संलग्न व्यक्तिको चाँडो भन्दा चाँडो खोजी गरी कानुनी कार्वाही अगाडि बढाउने, सुरक्षा संवेदनशीलतालाई मध्यनजर गर्दै घटनास्थल नजिक अस्थायी प्रहरी पोष्ट खडा गर्ने र बालिका हराएको सूचना दिँदा भोली खोजौला भन्दै वेवास्ता गर्ने प्रहरीलाई कार्वाही गर्ने सहमतिमा बालिकाको शव उठाइएको पनि उनले जानकारी दिए ।

शुक्रबार विहान बालिकाको शव फेला परेदेखि नै नेपाली काँग्रेस लगायत केही स्थानीयले बलात्कारीलाई फाँसीको माग गर्दै महेन्द्रनगरमा आन्दोलन गरिरहेका छन् ।

आन्दोलनकारीले शव उठाउनेलाई समेत कार्वाहीगर्ने धम्की र नारावाजीसहित आज पनि महेन्द्रनगरमा जुलुस प्रदर्शन गरिरहेको खबर प्राप्त भएको छ ।

सीआईबीको टोली कञ्चनपुरमा

यसैगरी घटनाको अनुसन्धानका लागि केन्द्रीय अनुसन्धान ब्यूरो सीआईबी) को टोली हिजो आइतबार नै कञ्चनपुर पुगिसकेको छ ।

यो पनि हेर्नुस्,

बलात्कारीलाई फाँसीको माग, बालिकाको शव उठ्न दिइएन

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: