सडकमा हुने दुर्व्यवहारको प्रमाण सीसी टिभी भिडियो


प्रकाशित मिति :2018-08-03 16:42:03

ललितपुर । फ्रान्सेली सरकारले सडकमा हुने दुर्व्यवहारमाथि कारबाही गर्न ‘ठाउँको ठाउँ’ जरिवाना तिराउने कानून छिट्टै ल्याउँदै छ । यसको लागि पहल भइरहेको बेला सार्वजनिक स्थलमा यौन दुर्व्यवहारमा परेकी एक विद्यार्थीको भिडियो सामाजिक सञ्जालमा भाइरल भएपछि फ्रान्समा बहसको लागि एउटा ठूलो मुद्दा उठेको छ ।

एक जना फ्रान्सेली विद्यार्थीले पेरिस शहरको सडकमा आफूलाई दुर्व्यवहार गर्ने पुरुषलाई यसो नगर्नू भन्दा उल्टै उनलाई मुखमा हिर्काएका थिए ।

मरी लग्एरले राजधानीको उत्तर–पूर्वी क्षेत्रमा उक्त पुरुषले आफूलाई चड्कन हानेको प्रमाण सीसीटिभी भिडिओबाट देखाईन् ।

‘जरिवानाको थालनी अबको गृष्म ऋतुदेखि गनुपर्छ’ समानता मन्त्री मर्लिन याप्पाले भनिन् ।

फ्रान्सेली सासंदहरूले गत मे महिनामा समर्थन गरेका नयाँ प्रावधान अनुसार पीडकहरूले ९० यूरोदेखि ७ सय ५० यूरोेसम्म तिनुपर्ने छ । सो प्रावधान र सम्बन्धित कानून संसदबाट अनुमोदन हुने क्रममा छ । यो महिलामाथि हुने यौन हिंसा विरुद्धको आन्दोलनका अभियन्ता माझ लोकप्रिय भएको छ ।

२२ वर्षीया मरी लग्एर घर फर्किंदै गर्दा एक जना पुरुषले उनलाई अश्लिल शब्दहरूको प्रयोग गरी होच्याएर टिप्पणी गरे । यौनलाई इंकित गर्ने शब्दहरू र आवाज निकाले, मरीले फ्रान्सेली रेडियोलाई घटनाको बारेमा भनिन् ।

‘त्यो दिन, त्यो हप्ता वा त्यो महिनामा पहिलो पल्ट भएको थिएन । यो विस्तारै थपिंदै गएको थियो । मलाई धेरै रिस उठ्यो । मैले ‘चुप लाग्’ भनें । उसले यो कुरा सुन्छ भन्ने लागेको थिएन । तर उसले सुन्यो’ उनले फ्रान्सेली टिभीलाई भनिन् ।

मरीले थपिन् त्यो सुन्ने बित्तिकै ऊ रिसायो र चुरोट दानी उनीतिर फाल्यो, तर उनलाई लागेन ।

त्यसपछि भनाभन भयो र ऊ मरी भएको ठाउँमा गयो र उनलाई चड्कायो । यो घटनाको दृश्य क्याफेको सीसीटिभीमा रेकर्ड भयो ।

‘मलाई उसले हिर्काउला जस्तो त लागेको थियो । म भाग्न सक्थें तर मैले त्यसो गरिन । म माफी माग्ने पक्षमा पनि थिईंन’ उनले भनिन्।
त्यो पुरुषले उनलाई गालामा हान्यो र एकनासले कराइरहयो ।

क्याफेमा भएका अरू मानिसले त्यो पुरुषको विरोध गर्न थाले । मरी घर फर्किन् । उनले क्याफेमा फर्केर प्रत्यक्षदर्शीहरूको बयान लिने र प्रहरीमा उजुरी दर्ता गर्ने निर्णय गरिन् ।

घटना हुँदा क्याफेमा उपस्थित मानिसहरूले मरीको प्रतिक्रिया स्वभाविक हो भनेका छन् । क्याफेका संचालकले उनलाई सीसीटिभीमा कैद भएको श्रव्यदृश्य उपलब्ध गराएर उनलाई ती आक्रमणकारीलाई समात्न मद्दत गरेका छन् । उक्त भिडियो सामाजिक सञ्जालमा करिब १० लाख भन्दा बढी पटक हेरिएको छ ।

मरी लग्एरले ‘हिंसाको विरोधमा लड्न गाह्रो थियो तर सबै महिला यसबाट प्रभावित छन् । यसलाई राक्नै पर्ने अवस्था आयो । म चुप लागेर बस्न सकिन । हामी चुपचाप बस्न पनि हुँदैन’ भनेर आफ्नो फेसबुकमा लेखिन् ।

उनीमाथि भएको घटनामा सरकारले अनुसन्धान शुरु गरेको छ । पीडकको खोजी भइरहेको छ ।

समानता मन्त्रीले स्थानीय पत्रिकालाई भनिन् ‘नयाँ बन्ने कानूनको उद्देश्य दुव्र्यवहारमाथि पूरा समाजिक प्रतिबन्ध लगाउनु हो ।’

मन्त्रीले भनिन् ‘केही हप्ता अगाडि फ्रान्सले विश्व कप जीतको उत्सव मनाउने क्रममा धेरै महिलाले सडकहरूमा आफूमाथि यौन दुर्व्यवहार भएको उजुरी गरेका छन् । उनले ती प्रत्यक्षदर्शीहरूलाई अगाडि आएर यौन आक्रमणका घटनाहरूमा बयान दिन आह्वान गरेकी छिन् ।

फ्रान्सेली मनोवैज्ञानिक मुरेल सालमोनाले भनिन्, ‘दुव्र्यवहारको सामना गर्दा मान्छेले प्रतिक्रिया दिने शैली वा व्यवहार मान्छे पिच्छे फरक हुन्छ । एउटा मात्र भावनाको हावी हुँदैन । धेरैजसो भावनाहरू र प्रतिक्रियाहरू मिश्रित हुन्छन् ।’

‘तपाईंलाई डर, खतरा, जोखिम मात्र नभएर रिस र छटपटी महसुस हुन्छ । एक दिनमा धेरै पटक (दुव्र्यवहार) भयो भने यी सबै भावनाहरू झन् आउँछन्’ उनले भनिन् ।

हिंसामा परेकी मरी भन्छिन्, ‘मलाई बाहिर हिँड्न सहज र ढुक्क लाग्दैन ।’

साभारः– बीबीसी

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: