ए राष्ट्रपति आमा !


प्रकाशित मिति :2018-08-09 16:00:18

मेरो यौनाङ्गबाट बगेको
त्यो रगतको धाराले
म झुलेको कोक्रो हुँदै
ए राष्ट्रपति आमा
तिम्रो चोली रङ्गीसक्यो
अब त बोल न ।

म अबोध बालिकालाई
यति मात्रै थाहा छ
आमाको फरियाको फेरो समाएर
त्यो मन्दिर जाँदा
मेरी आमाले जति नै जोडले
त्यो मन्दिरको घण्टा बजाए पनि
त्यो पत्थर त बोल्दैन
तर आमाले भनेको
तिमी त राष्ट्रपति आमा
त्यो पत्थर हैन रे ।

रुपा थापा

मैले त जिन्दगीलाइ नबुझ्दै
मेरो अस्तित्व लुटिएको छ
यो तिम्रो देशमा
मेरो यौनाङ्गबाट बगेको
त्यो रगतको धाराले
मेरो आमाको छाती पोलेर
बगेको त्यो अश्रुधाराले
राष्ट्रपति आमा भिजेको छ
तिम्रो त्यो फरिया पनि
अब त बोल न ।

थाहा छैन राष्ट्रपति आमा
भर्खरै तोतेबोली बोल्दै गरेकी
म अबोध बालिकालाई
तिम्रो देशको नागरिक
हुने बेलासम्ममा ती नरपिचासहरूले
मेरो यौनाङ्गमा दाह्रा घसेर
जिउँदो छोड्छन कि छोडदैनन् ।

मैले आँखा उघारेको
मेरो घरको आगनीमा
म त्यो पुताली जस्तै उड्दै
खेल्न सक्छु कि सक्दिन
मेरो कसुर यत्ति भयो
म एउटा छोरी भएँ
अनि मसँग
एक थान योनी छ
त्यसकारण ती ब्वाँसाहरूले
मेरो योनीमा नजर लगाउँछन् ।

मेरी आमाले भनेको
छिमेकी देशमा त
ब्वाँसाहरूलाई फाँसी दियो रे
त्यसैले राष्ट्रपति आमा
यो छोरीहरूको यौनाङ्गबाट बगेर
रगतले भिजेको त्यो कोक्राको
कसम खाएर यत्ति भनिदेउ
मेरा छोरीहरूको यौनाङ्गमा
दारा घस्ने ती ब्वाँसाहरूलाई
जिउँदो छोडिने छैन भनेर ।

विदुर १ नुवाकोट ढुंगे

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: