रणभैरव गणमा महिनावारी भएका महिलालाई प्रवेश निषेध


प्रकाशित मिति :2018-08-15 12:59:16

–महिला खबर–

ललितपुर । राजधानीको हनुमानढोकास्थित नेपाली सेनाको रणभैरव गणले महिनावारी भएका महिलालाई सात दिनसम्म मूल गेटबाटै प्रवेशमा निषेध गरेको छ ।


महिनावारी भएको समयमा महिलाहरूलाई उक्त गणभित्र प्रवेश गर्नु हुन्न भन्ने जानकारी नहुन सक्छ भन्दै शुरुमै जानकारी दिन गणले गेटमै सूचना बोर्ड राखेको बताएको छ ।

यसअघि मूल गेट बाहिरै ३ बुँदे सूचना टाँस गरेर महिनावारी भएका महिलालाई मूल गेटबाट प्रवेशमा निषेध गरेकोमा सामाजिक सञ्जालमा व्यापाक बिरोध भएपछि अहिले बोर्ड भने भित्र सारिएको छ ।

गणका प्रमुख कर्णेल कृष्णबहादुर रायमाझीले सामाजिक सञ्जालमा महिनावारी भएका महिलालाई प्रवेशमा रोक लगाइएको बोर्ड बारे चर्को आलोचना भएपछि बोर्ड भित्र सारिएको बताए ।

कर्णेल रायमाझी उक्त गणको गणपति भएर आएदेखि उनैको पहलमा एक वर्षअघि सूचना बोर्ड राखिएको हो । उनका अनुसार नेपाली सेनामा महिला सैनिक पनि कार्यरत रहेको र गणमा आउँदा गेटमा रहेका सिपाहीले महिनावारीबारे सोध्न असहज हुने भएकोले उनीहरूको सजिलोको लागि सूचना टाँसिएको हो ।

महिला खबरसँग बुधबार बिहानको भेटमा उनले भने, ‘मूल गेटको आडैमा निशान कवल (देशभरकै नेपाली सेनासँग सम्बन्धित निशान, शक्ति पीठ) रहेकोले महिनावारी भएको सात दिनसम्म मूल गेटबाट छिरेमा गणभित्र अपसकुन हुन्छ । त्यसैले महिनावारी भएका महिलाहरू भित्र छिर्न मिल्दैन ।’

उनले नेपाली सेनामा कार्यरत सबै सैनिकमा महिनावारी भएका महिला उक्त गेटबाट प्रवेश गर्न नहुने बताए । महिनावारी भएका व्यक्ति मात्रै होइन पानी पर्दा छाता ओढेर र बरखी (आसोच) बारेका व्यक्ति पनि मूल गेटबाट प्रवेशमा निषेध गरिएको छ ।

‘संस्कृतिको पालना गर्नु आ–आफ्नो विश्वासको कुरा हो’ उनले थपे, ‘यहाँ पनि हामीलाई महिनावारी भएका महिला भित्र जानुहुन्न भन्ने विश्वास छ ।’

सैनिक महिला राखिदैंन

नेपाली सेनामा महिला पनि कार्यरत छन् । तर रणभैरव गणमा भने सैनिक महिला राखिएको छैन । गणपति रायमाझीले केही समय अघि २ जना महिला सैनिकको उक्त गणमा पोष्टिङ भएकोमा उनीहरूको पोष्टिङ सारेर अन्तै पठाइएको पनि महिला खबरलाई बताए ।

सैनिक महिलाहरू महिनावारी हुने र त्यो समयमा गणमा बस्न नमिल्ने भएकाले उनीहरूको पोष्टिङ अन्तै सारिएको पनि उनले बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: