‘बालश्रमसम्बन्धी व्यवस्था त्रुटिपूर्ण’


प्रकाशित मिति :2018-08-15 15:42:51

-महिला खबर-

ललितपुर । मुलुकी देवानी स‌ंहिता, २०७४ मा भएको घरेलु बालश्रम सम्बन्धी व्यवस्थालाई त्रुटिपूर्ण रहेको भन्दै खारेजीको माग गरिएको छ ।

बाल अभियन्ता, बाल अधिकारकर्मीहरुले उक्त व्यवस्था खारेजीको माग गर्दै श्रम, रोजगार तथा सामाजिक सुरक्षामन्त्री गोकर्ण विष्ट, कानून, न्याय तथा संसदीय मामिलामन्त्री भानुभक्त ढकाल, महिला, बालकालिका तथा जेष्ठ नागरिक मन्त्री थममाया थापा र सांसद गगन थापालाई ध्यानकर्षण पत्र बुझाएका हुन् ।

२०७५ भाद्र १ गतेदेखि लागू हुने गरि घरेलु बाल कामदार राख्न पाउने व्यवस्था गरेको छ । देवानी स‌ंहिता २०७४ को ज्याला मजुरी सम्बन्धी व्यवस्था ६ सय ४० धाराको उपधारा १ मा ‘कम्तीमा चौध वर्ष उमेर पुगेको कुनै व्यक्तिलाई निजको मञ्जुरी लिई काममा लगाउन सकिने व्यवस्था छ । तर सोह्र वर्ष उमेर पूरा नगरेको व्यक्तिलाई जोखिमपूर्ण व्यवसाय वा काममा लगाउन सकिने छैन’ भनिएको छ ।

बाल अभियन्ता नविनचन्द्र घिमिरे उक्त ऐनको दफा ६४० देखी ६४४ सम्म कानूनमा घरेलुु बालश्रम बढावा दिने खालका चरमपन्थी र शोषक नियम खारेज गनुपर्ने बताउँछन् ।

नेपालले राज्य पक्ष भएर संयुक्त राष्ट्रसंघीय महासन्धिहरु, विभिन्न इच्छाधीन आलेखहरुका अलावा क्षेत्रीय तथा अन्तर्राष्ट्रिय सन्धि तथा अभिसन्धिहरुलाई पक्ष राष्ट्रका हैसियतले धेरै वटा अभिलेखहरुमा हस्ताक्षर तथा अधिकांश अभिलेखहरुलाई अनुमोदन गरिसकेको छ ।

साथै नेपाल सरकारले हालैमात्र (२०७५ साउन १ गतेदेखि) लागू हुने गरी जारी गरेको निकृष्टसहित सबै प्रकारका बालश्रम निवारणसम्बन्धी गुरुयोजना २०७५–२०८५ लाई कार्यान्वयन हुन बाधा पुग्ने देखिन्छ । उक्त गुरुयोजनामा घरेलु बालश्रमलाई जोखिमपूर्ण श्रमको क्षेत्रमा पहिलो प्राथमिकतामा राखिएको छ ।’

यस्तै ध्यानकर्षण पत्रमा व्यवस्थापिका संसदद्वारा मिति २०७४ असोज ३० मा प्रमाणिकरण भई मिति २०७५ भाद्र १ गतेदेखि लागू हुन लागेको मुलुकी (देवानी संहिता) ऐन, २०७४ को भाग ५ परिच्छेद १४ ज्याला मजूरीसम्बन्धी व्यवस्थाको दफा ६४० देखि दफा ६४४ मा गरिएको घरेलु सहायकसम्बन्धी व्यवस्था नेपालको संविधान, २०७२, नेपालद्वारा राज्य पक्ष भई हस्ताक्षरित महासन्धिहरु तथा नेपाल राज्यद्वारा जारी गरिएका विभिन्न ऐन तथा नियमावलीहरुका अलावा बालअधिकारका सिद्धान्तहरुको प्रतिकूल छ भनिएको छ ।’

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: