छाेरी जाेगाउँ अभियानमा चितवनका अधिकारकर्मी


प्रकाशित मिति :2018-08-22 16:11:30

–शान्ता अधिकारी–

चितवन । महिला तथा बालबालिका माथि बलात्कार र यौनजन्य हिंसा बढ्दै गएकोले चितवनका अधिकारकर्मीले बलात्कार विरुद्द अभियान नै सञ्चालन गर्ने भएका छन् ।

महिला तथा बालिकामाथि अमानवीय रुपमा यौनजन्य हिंसा बढेपछि त्यसलाई निरुत्साहित गर्ने उद्देश्यले चितवनमा ‘यौनजन्य हिंसा बिरुद्धको साझा अभियान’ सुरु गरिएको हो ।

उक्त अभियानको लागि सञ्जाल निर्माण गरी आज बुधबार दबाबमूलक कार्यक्रम पनि सार्वजनिक गरिएको छ ।

अभियानकी संयोजक मिना खरेलले पत्रकार सम्मेलनमा बलात्कार तथा यौनजन्य हिंसा न्यूनिकरणको लागि संयुक्त रुपमा दबाबमुलक काम गर्ने उद्देश्यले संजाल निर्माण गरिएको बताईन् ।

संयोजक खरेलले पछिल्लो समय चितवनमा ४ वर्षको बालिकादेखि ८२ वर्षको हजुरआमासम्म बलत्कारमा पर्ने गरेको भन्दै यस्ता डर लाग्दा यौनजन्य हिंसाका घटना सचेत वर्गबाट नै लुकाउने गरिएको पनि बताईन् ।

उनका अनुसार यस आर्थिक वर्ष २०७४ ७५ मा मात्रै एघार वटा घटना परिवारबाटै लुकाईएको तर पनि जानकारीमा आएको थियो । विशेष गरी रात र साँझको समयमा यौनजन्य दुर्व्यवहारका घटना हुने भन्दै यसतर्फ परिवारका सदस्यले ख्याल गर्नुपर्र्ने उनको भनाई थियो ।

पत्रकार सम्मेलनमा अभियानकी सहसंयोक संगीता भट्टराईले भदौ ८ गते र्याली सहित भरतपुर महानगरपालिकामा ज्ञापन बुझाउने, प्रमुख जिल्ला अधिकारी मार्फत प्रधानमन्त्री र गृहमन्त्रीलाई ज्ञापन पत्र पठाउने कार्यक्रम रहेको पनि जानकारी दिईन् ।

भदौ ९ गते विद्यार्थीहरुसँग र्याली, कक्षा सातदेखि दशसम्मका विद्यार्थीहरुलाई विद्यालयमा नै गएर सामाजिक पढाउने शिक्षकको साथमा यौन हिंसाबारे जानकारी गराउने र चितवनका सांसदहरुसँग अन्तरक्रिया गर्ने लगायतका कार्यक्रमहरु सार्वजनिक गरिएको छ ।

प्रहरीको तथ्याङ्क अनुसार चितवन जिल्लामा आर्थिक वर्ष २०७४ ७५ मा ६६ वटा जबरजस्ती करणीका घटना भए । जसमध्ये ४५ बलात्कार र २१ करणी उद्योगका घटना छन् ।

त्यसैगरी त्यस्तै चालु आर्थिक वर्षको २ महिनामा मात्रै ११ वटा बलत्कारको जाहेरी परेको प्रहरीको तथ्याकंमा उल्लेख छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: