१८ वर्षमुनिका बालबालिकालाई सीमाबाट एक्लै भारत जान रोक


प्रकाशित मिति :2018-08-24 11:30:37

–निशु जोशी–

नेपालगञ्ज । नेपालगञ्जको जमूनाह नाकाबाट बालबालिकालाई एक्लै भारत जान प्रहरीले रोक लगाएको छ । बालबालिका एक्लै भारत जाँदा जोखिममा पर्ने भन्दै रोक लगाएको हो ।

नेपालमा भुकम्पपछि मानव तस्करहरूले विभिन्न प्रलोभनमा पारेर पश्चिम नेपालका पहाडी जिल्लाहरूबाट ठूलो सङ्ख्यामा बालबालिकालाई भारत लैजान थालेपछि कडाइ गरिएको सीमा प्रहरीले जनाएको छ ।

प्रहरीका अनुसार दैनिक तीनदेखि १२ जनासम्मको समूहमा भारत जान थालेका बालबालिकासँग सोधपुछ गर्दा उनीहरुलाई प्रलोभनका परेर जोखिमपूर्ण काममा भारत जान थालेको पाइएको थियो । त्यसपछि उनीहरूलाई नेपाल फिर्ता गर्नुका साथै त्यस्ता बालबालिकालाई भारत जान कडाइका साथ रोक लगाइएको इलाका प्रहरी कार्यालय जमुनाहाका प्रमुख प्रहरी नायब निरीक्षक शिव ओलीले जानकारी दिए ।

नेपाल भारत सीमास्थित माइती नेपाल नेपालगञ्जका संयोजक केशव कोइरालाका अनुसार नेपालगञ्ज नाकाबाट भारत जाने बालबालिकामध्ये बालिकाको संख्या धेरै रहने गरेको छ ।

माइती नेपालको सन् २०१७ को तथ्याङ्क अनुसार, जोखिमपूर्ण यात्रामा रहेका १ हजार ७१ बालबालिकालाई सीमाबाट उद्दार गरिएको छ । ति मध्ये ४ सय २७ जना बालिका रहेका छन् भने ३४ बालक छन् ।

१८ वर्षमाथिका ६ सय १० जना महिला नेपाल भारत सीमामा जोखिमपूर्ण यात्रामा रहेको अवस्थामा उद्दार गरिइको छ । त्यस्तै, १८ वर्षमूनिका २ सय ८२ जना बालिका र १ सय ६७ जना बालक खोजतलासका तथा उद्दारका निवेदन परेकोे थियो ।

१८ वर्षमाथिका ३ सय ८५ जना महिला खोजतलासका तथा उद्दारका लागि निवेदन परेको कोइरालाले जानकारी दिए । भारतका विभिन्न ठाँउबाट २० जना बालिका र ९ जना बालकको उद्दार गरिएको ेछ भने १८ वर्ष माथिका ३८ महिलाको उद्दार गरिएको उनले बताए ।

बेचविखनको जोखिममा पर्ने महिला तथा बालबालिकाको संख्या बढ्दै गएपछि अझ बढि संवेदनशिल भएको प्रहरीले जनाएको छ । पहिले घटना नआउने जिल्ला मुगु, डोल्पा, जुम्लाबाट पनि बालबालिका खोजतलासको लागि निवेदन आउन थालेकाले पनि जोखिम बढेको उनले बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: