अटोरिक्सामै शिशु जन्मिएपछि…..


प्रकाशित मिति :2018-09-04 16:57:17

–हिमाल जोशी–

धनगढी । सुत्केरी व्यथा लागेर अटोरिक्सामा अस्पताल आएकी एक महिलाले अस्पताल नपुग्दै अटोमै शिशु जन्माएकी छन् । अस्पतालको गेटमा अटोमै शिशु जन्माएपछि हेर्नेको पनि भिड लागेको थियो ।

प्रदेश ७ को अस्थायी राजधानी रहेको धनगढी उपमहानगरपालिका–१२ ए गाउँ जुगेडाकी २५ वर्षीया पार्वती थापाले आज मंगलबार साढे १ बजे सेती अञ्चल अस्पतालको गेटमै अटोरिक्सामा शिशु जन्माएकी हुन् । उनका यी दोस्रो सन्तान हुन् । यसअघि उनको एक छोरी छिन् ।

धनगढीस्थित सेती अञ्चल अस्पतालबाट करिब ७ किलोमिटरको दुरीमा रहेको जुगेडाबाट सुत्केरी व्यथा लागेकी थापालाई उनकी दिदी (आमाजू) चन्द्रा थापाले अटोरिक्सामा ल्याएकी थिइन् ।

घरमा अरु मान्छे पनि कोही नभएको र उनका श्रीमान रोजगारीका सिलसिलामा भारत रहेकाले दिदी चन्द्राले पार्वतीलाई अस्पताल ल्याएको बताइन् ।

चन्द्राले भनिन्, ‘सुत्केरी व्यथा लागेपछि अटोरिक्सा बोलाएर अस्पताल ल्याएँ । अस्पतालभित्र नपुग्दै गेटमै शिशु निस्कन थाल्यो । अनि अटो रोकेर अस्पतालका स्वास्थ्यकर्मीलाई अटोमै बोलाएर सामान्य सहयोगपछि शिशु जन्मियो ।’

‘शिशु निस्कनै थालेको थाहा पाएपछि अटोरिक्सा वरिपरी त्यहाँ भएका महिलाले घेरे । अटोमै बच्चा जन्मिदैं छ भन्ने हल्ला भएपछि एकाएक वरिपरी भिडभाड भो’ अटोरिक्सा चालक बलराम पाठकले भने ।

बच्चा जन्मिसकेपछि सुत्केरी थापालाई अस्पतालको प्रसूति कक्षभित्र लगियो । आमा र छोरा दुवैको स्वास्थ्य राम्रो रहेको सेती अञ्चल अस्पताल प्रसुति विभागकी नर्स लक्ष्मी शाहले बताइन् । उनका अनुसार नवजात शिशुको तौल ३ किलो रहेको छ । समाचार दैनिकीबाट

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: