१४ वर्षकी चाँदनी ४ दिनदेखि सम्पर्कविहीन


प्रकाशित मिति :2018-09-05 15:56:35

–महिला खबर–

ललितपुर । काठमाडौंको रातपुलस्थित एक घरमा सहयोगीको रुपमा बसेकी १४ वर्षकी बालिका चाँदनी तेली ४ दिनदेखि सम्पर्कविहीन भएकी छिन् ।

रातोपुलमा रहेको इश्वरी दवाडीको घरमा एक वर्षदेखि सहयोगीको रुपमा काम गर्न बसेकी झापाकी चाँदनी भदौ १७ गते आइतबार दिउँसोदेखि सम्पर्कमा नआएको दवाडीकी छोरी दत्ताश्री दवाडीले जानकारी दिईन् ।

चाँदनी सम्पर्कमा नआएपछि महानगरीय प्रहरी बृत्त गौशालामा भदौ १८ गते दवाडीले उनलाई खोज्न निवेदन दिएकी छिन् । उनीहरुले आज बुधबार बालबालिका खोजतलास केन्द्र भृकुटीमण्डपमा पनि निवेदन दिएका छन् । तर चार दिन बितिसक्दा पनि उनी सम्पर्कमा नआएको छोरी दत्ताश्रीले बताईन् ।

महानगरीय प्रहरी बृत्त गौशालाका डिएसपी सुनिल मल्लले प्रहरीले उनको खोजी तीब्र बनाएपनि उनलाई नभेटिएको बताए । डिएसपी मल्लका अनुसार मंगलबार चाँदनीले उनी पढ्ने विद्यालयकी साथी सुनिता लामासँग भेटेको जानकारीमा आएकोले उनी पहिले बस्ने घर वरपर नै हुनसक्ने बताए ।

‘बालिका साथीसँग भेट्न गएको र हराएको भोलिपल्ट सँधै तरकारी किन्ने पसलमा तरकारी किन्न गएको देखिन्छ ।’ डिएसपी मल्लले महिला खबरसँग भने, ‘सामान्य बुझ्दा पहिले बसेको घर वरपर कसैको घरमा बसेको अनुमान गरेका छौं ।’

यद्यपि १४ वर्षको बालिका सम्पर्क बिहीन हुँदा उनी जोखिममा पर्न सक्ने भएकोले मातहतका प्रहरीमा पनि जानकारी पठाइएको उनले जानकारी दिएका छन् ।

१४ वर्षकी चाँदनी एक वर्षअघि दवाडीको घरमा बस्न आएकी थिईन् । उनको घर झापाको बिर्तामोड ७, मा रहेको छ । चाँदनी ज्ञानेश्वरमा रहेको ज्ञानविकास आधारभूत विद्यालयमा कक्षा ५ की विद्यार्थी पनि हुन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: