समाचार फलोअपः तेजाव आक्रमणमा घाइते सम्झनाको अवस्था गम्भीर


प्रकाशित मिति :2018-09-13 13:15:50

–महिला खबर–

ललितपुर । दुईदिन अघि तेजाव आक्रमणमा परि गम्भीर घाइते भएका रौतहट चन्द्रपुर नगरपालिका ६ का दिदीबहिनी मध्ये सम्झना दास (१८)को अवस्था गम्भीर छ । सम्झनाको काठमाडौंको किर्तिपुरस्थित किर्तिपुर अस्पतालको सघन उपचार कक्षामा उपचार भइरहेको छ । उनको टाउको र अनुहारको धेरै बाहिरी भाग तेजावले जलेको छ ।

तेजावले देब्रे हातको बाहिरी भाग जलेकी बहिनी सुस्मिता (१५)को भने वार्डमा राखि उपचार भइरहेको छ ।

बालिकाका बुबा जादोलाल दासले २६ भदौ मध्यराततिर सुतिरहेका छोरीहरुमाथि तेजाव आक्रमण भएको बताए ।

श्रीमती र छोरीहरु घरमा अलग अलग कोठामा सुतिरहेको अवस्थामा सो आक्रमण भएको थियो । ‘सय मिटर जति टाढा आफूले चलाएको पुल हाउसमा सुत्ने गर्दथे’ उनले भने, ‘मध्यरातमा श्रीमती र छोरीहरुको चिच्याहट सुनेर ब्युझिँए । घर पुग्दा छोरीहरु छट्टाइरहेका थिए ।’ त्यसपछि जादोलाल घाइते छोरीहरुलाई लिएर अस्पताल पुगे ।

रौतहटमा उपचार सम्भव नभएपछि उनी दुवै छोरी लिएर भोलिपल्ट २७ भदौमा काठमाडौं आएका हुन् ।

घटनाको निन्दा

यसैबीच रौतहटस्थित गैह्रसरकारी संस्था ग्रामिण विकास केन्द्र (आरडिसी)ले सो घट्नाको कडा शव्दमा निन्दा गर्दै घट्नाको निश्पक्ष छानबिन गरी दोषीउपर कडा कानुनी कारवाही गर्न माग गरेको छ ।

केन्द्रका अध्यक्ष पारस हुसैनले सो घट्नाका दोषी उम्किन नदिन प्रहरी सक्रियता तिव्र बनाउन जरुरी रहेको बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: