सरकारी कर्मचारी नै भन्छन् : समन्वय नहुँदा बालबालिकामाथि हिंसा बढ्यो


प्रकाशित मिति :2018-09-13 16:33:17

–महिला खबर–

ललितपुर । देश संघीय संरचनामा गइसकेपछि स्थानीय तहले प्रभावकारी रुपमा काम गर्न नसकेकोले बालिकामाथि बलात्कार, यौनजन्य हिंसा तथा असुरक्षा बढेको सरकारी कर्मचारीहरुले नै बताएका छन् ।

?

महिला, बालबालिका तथा जेष्ठ नागरिक मन्त्रालयले बिहीबार राजधानीमा गरेको पत्रकार सम्मेलनमा महिला मन्त्रालयकै उपल्लो तहका कर्मचारीहरुले स्थानीय तहमा रहेका आफ्ना विषयगत कार्यालयहरु र स्थानीय तहको समन्वय प्रभावकारी नहुँदा पनि बालबालिका माथि हिंसा बढेको बताएका हुन् ।

‘देश संघीय स्वरुपमा गएपछि महिला बालबालिकाको समस्यामा स्थानीय तहसँग समन्वय गर्न सकिएको छैन’ महिला मन्त्रालयकी सह–सचिव राधिका अर्यालले भनिन्, ‘बालबालिकामाथि हिंसा बढ्नुको एउटा कारण यो पनि हो ।’

त्यसैगरी कार्यक्रममा महिला, बालबालिका तथा जेष्ठ नागरिक मन्त्रालयका प्रवक्ता राजेन्द्र पौडेलले अब विस्तारै यो समस्या हट्ने पनि बताए ।
उनले महिला मन्त्री, महिला बालबालिकाको विषयमा गम्भिर रहेकोले उहाँले स्थानीय तहले छुट्टै महिला तथा सामाजिक विकास शाखा बनाएर महिला बालबालिकाको विषय हेर्न पनि निर्देशन दिएको बताए ।

त्यस्तै संसदबाट पास भएको महिला बालबालिकाको सुरक्षा तथा अन्तर्राष्ट्रिय सन्धीको पालना सम्बन्धी संकल्प प्रस्ताव अनुरुप कार्ययोजना पनि बनाएर अघि बढ्ने उनले बताए ।

छुट्टै कार्यक्रम गरेर बालदिवस

महिला बालबालिका तथा जेष्ठ नागरिक मन्त्रालयले विभिन्न कार्यक्रम गरेर बालदिवस मनाउने भएको छ । मन्त्रालयले २०६६ सालदेखि हरेक वर्ष भदौ २९ गते बालदिवस मनाउँदै आएको छ ।

?

यसवर्ष ‘सुखी नेपाली, समृद्ध नेपाल : बाल अधिकार सबैको सरोकार’ भन्ने मूल नारासहित बाल दिवस मनाउन लागेको हो । सो अवसरमा बुधबार साँझ विभिन्न प्रकारका हिंसा, दैवी प्रकोप लगायतबाट ज्यान गएका बालबालिकाका सम्झनामा दीप प्रज्वलन गर्ने र बिहीबार एक औपचारिक कार्यक्रम गरेर बाल दिवस मनाउन लागिएको केन्द्रीय बालकल्याण समितिकी अध्यक्ष बबिना बस्नेतले जानकारी दिईन् ।

२०६८ सालको जनगणना अनुसार नेपालमा १८ वर्षमूनीका ४१.८४ प्रतिशत, १६ वर्षमूनीका ३७.३७ प्रतिशत र १४ वर्षमूनीका ३२.३५ प्रतिशत बालबालिका छन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: