बालिकामाथि एसिड प्रहारको आंशकामा कुरुवा नै पक्राउ


प्रकाशित मिति :2018-09-17 20:53:55

-महिला खबर

ललितपुर । रौतहट चन्द्रपुर नगरपालिका ६ का दुई बालिकामाथि एसिड आक्रमणको आशंकामा कुरुवा नै पक्राउ परेका छन् । एसिड आक्रमणबाट घाइते भई उपचारका लागि गत भदौ २७ गते काठमाडौं ल्याइएका दुई किशोरीहरुका कुरुवा नै अस्पतालबाट पक्राउ परेका हुन् ।

एसिड आक्रमणमा परेका दुई दिदीबहिनी १८ वर्षीया सम्झना र १५ वर्षीया सुस्मिता दासलाई अस्पतालमा कुर्न आएका उनीहरुका छिमेकी रामबाबु पासवानलाई सोमबार किर्तिपुर अस्पतालबाट पक्राउ गरिएको प्रहरीले जनाएको छ ।

घटनापछि दोषी पक्राउ गर्न नसकेको भन्दै प्रहरीको आलोचना भएको थियो । छिमेकी पासवानमाथि नै शंका बढ्दै गएपछि नियन्त्रणमा लिएर अनुसन्धानका लागि रौतहट पठाइसकिएको प्रहरीले जनाएको छ ।

दुवै बालिकालाई गत भदौ २६ गते घरमा सुतिरहेको बेला राति १२ बजे एसिड प्रहार भएको थियो । उनीहरुको चन्द्रपुर हस्पिटलमा उपचार हुन नसकेपछि काठमाडौं किर्तिपुर हस्पिटलमा ल्याइएको थियो ।

एसिड प्रहारबाट दिदी सम्झनाको ३५ प्रतिशत भन्दाबढी भाग लगेको छ भने बहिनी सुस्मिताको ५ प्रतिशत भन्दाबढी भाग जलेको अस्पतालले जनाएको छ ।
बहिनीलाई सामान्य वार्डमा राखिएपनि दिदी सम्झनालाई भने सघन उपचार कक्ष (आइसियु)मा राखेर उपचार भइरहेको छ ।

यो पनि हेर्नुहोस्

हामी दिदी बहिनीलाई मध्यरातमा एसिड छ्यापियो

बेकसुर जलाइए दुई बालिका (फोटो फिचर)

    Comment Here!

Related NEWS
मुख्य खबर

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

Read more
© 2015.All rights reserved by mahilakhabar.com
%d bloggers like this: