अन्तर्राष्ट्रिय महासन्धिलाई कार्यान्वयन गर्न सरकार प्रतिबद्ध


प्रकाशित मिति :2018-09-20 16:03:29

-महिला खबर-

ललितपुर । महिला, बालबालिका तथा ज्येष्ठ नागरिकमन्त्री थममाया थापाले महिला अधिकारका लागि नेपाल पक्ष राष्ट्र भई गरिएका अन्तर्राष्ट्रिय महासन्धि कार्यान्वयन गर्न सरकार प्रतिबद्ध रहेको बताएकी छन् ।

महिला, विकास र कानून मञ्च (एफडब्लूएलडी)ले बिहीबार काठमाडौंमा आयोजना गरेको ‘महिला महासन्धि अन्तर्गतको छाया प्रतिवेदनमाथिको राष्ट्रिय कार्यशाला गोष्ठी’ लाई सम्बोधन गर्दै मन्त्री थापाले महिलाका अधिकारलाई संविधानमा समेटिएको बताउँदै त्यसलाई कार्यान्वयन गर्ने गरी कानून निर्माण भइरहेको बताइन् ।

मन्त्री थापाले मुलुकको नयाँ संरचनामा स्थानीय तह र प्रदेश सरकारले संविधानमा व्यवस्था भएअनुसार महिला अधिकारलाई दृष्टिगत गरी आवश्यक कानून बनाएर प्रभावकारी कार्यान्वयन गर्नुपर्नेमा जोड दिइन् ।

अहिले धेरै कानूनहरु बनेपनि प्रभावकारी कार्यान्वयन नहुँदा समस्या भएको उनले बताइन् ।

कार्यक्रममा अधिकारकर्मी चाँदनी जोशीले विभेदकारी परम्परागत अभ्यासलाई कानूनबाट नै प्रतिबन्ध लगाइनुपर्नेमा जोड दिँदै पीडितलाई न्याय उपलब्ध गराउनुपर्ने बताइन् ।

अर्का अधिकारकर्मी एवं प्रतिवेदनकी सदस्य बन्दना राणाले विभेद न्यूनीकरणका लागि निर्माण भएका ऐन, नियम र कानूनलाई सशक्तरुपमा कार्यान्वयन गर्नुपर्नेमा जोड दिइन् ।

एफडब्लूएलडीका निर्देशक सविन श्रेष्ठले महिलामाथि हुने विभिन्न किसिमका विभेदको अन्त्य गर्नुपर्ने बताउँदै उनीहरुको अधिकार संरक्षणका लागि देशको सातै प्रदेशबाट सुझाव सङ्कलन गरी बनाइएको प्रतिवेदनका बारे जानकारी गराएका थिए ।

दुई दिनसम्म चल्ने छलफलले प्रदेशस्तरबाट संकलन भएका सुझाव र कार्यशालामा उठेका विषयलाई समेटेर अन्तिम रुप दिइने कार्यक्रमकी सहजकर्ता एवं सञ्चारिका समूहकी उपाध्यक्ष कमला पन्थीले बताइन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: