हिंसा विरुद्ध डटेर काम गर्छुः सभापति, निरुदेवी पाल


प्रकाशित मिति :2018-09-26 14:50:54

–महिला खबर–

ललितपुर । प्रतिनिधिसभा अन्तर्गतको महिला तथा सामाजिक समितिका सभापति निरुदेवी पालले बालिका तथा महिला हिंसा विरुद्ध डटेर काम गर्ने बताएकी छन् ।

पत्रकार महिलाहरुको संस्था संचारिका समूहको नव निर्वाचित कार्य समितिका पदाधिकारीलाई आफ्नै कक्षमा बधाई तथा शुभकामना दिँदैं सभापति पालले यस्तो बताएकी हुन् ।

सो अवसरमा उनले महिला हिंसाका घटनाप्रति सरकारलाई जवाफदेही बनाउनका लागि आफूले महत्वपूर्ण भूमिका निर्वाह गर्ने प्रतिवद्धता पनि गरिन् ।

देशमा दिनप्रतिदिन भइरहेका महिला हिंसाका घटनाले मान्छेहरुमा भय र त्रासको अवस्था सृजना भएको भन्दै उनले आफ्ने समितिले सरकारलाई जवाफदेही बनाउन प्रभावकारी ढंगले काम गर्ने बताएकी हुन् ।

सभापति पालले सबैले आ–आफ्नो ठाउँबाट निडर भएर हिंसा विरुद्ध आवाज उठाउने हो भने पीडितले न्याय पाउने विश्वास व्यक्त गरिन् ।

पत्रकारले पीडितको पक्षमा कलम चलाएको खण्डमा न्याय टाढा नभएको भन्दै महिला हिंसा विरुद्धको अभियानमा मिलेर काम गर्न पत्रकार महिलाहरुलाई आग्रह गरिन् ।

कार्यक्रममा बोल्दै संचारिका समूहकी अध्यक्ष नितु पण्डितले महिला हिंसा विरुद्ध सबैले मिलेर काम गरेको हिंसा न्यूनिकरणमा टेवा पुग्ने बताइन् ।

उनले छोरी बचाउ मात्रै होइन, छोरालाई सम्झाऔं, बुझाऔं अभियान थाल्न जरुरी भएको बताइन् ।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: