किन सकिनौं आमा ?


प्रकाशित मिति :2018-09-27 12:19:24

भाई बहिनीसंग स्कूलबाट आउँदा बाटोमा देखेको लाहुरेसँग
बुबाले मेरो विहेको कुरा छिन्दै गर्दा बाल विवाह गर्न हुँदैन
भन्न किन सकिनौं आमा ?

मेरो कलिलो मस्तिष्कले देखेको विवाहको सुन्दर सपनाको त्यो महल,
चकनाचुर पारी मेरो शरीर लासलाई गिद्धले लुछे सरह लुछ्दा,
तिमीमाथि वैवाहिक बलात्कार भयो भन्न, किन सकिनौं आमा ?

अनिता न्यौपाने थपलिया

तिम्रो जुवाइँले हरेक दिन विभिन्न लान्छना लगाउदै,
मलाई मरणासन्न हुने गरी कुटपिट गर्दा समेत तिमीमाथि
घरेलु हिंसा भयो भनि किन आवाज उठाउन सकिनौं आमा ?

अन्यायको नालीबेली थाहा पाएर पनि,
छोरीको जात ‘पाले पुण्य, मारे पाप’ भनि कन्यादान दिएपछि,
उनीहरुको सेवा नै हाम्रो कर्तव्य हो भनि फकाउनुको साटो
अपराधीलाई कानूनको कठघरामा लान किन सकिनौं आमा ?

मेरो नाबालक बहिनीलाई सम्पति देखेर,
मगज बिग्रेको व्यक्तिसँग बुवाले विवाह गरिदिँदा,
छोरीको जिन्दगी नबिगार भन्न किन सकिनौं आमा ।

बहिनी लोग्नेको घरमा बस्न नसकि फर्केर आउँदा,
आईज छोरी त यहीं बस् भाईको जत्तिकै,
यो पनि तेरै घर हो भन्न किन सकिनौं आमा ?

त्यो पल्ला घरकी डल्लीलाई माथ्ला घरमा काकाले
जबरजस्ती गर्दा समेत आवाज किन उठाउन सकिनौं आमा ?
गाउँलेले त्यो डल्लीलाई जबरजस्ती काकाको जिम्मा लाउँदा समेत
त्यसको विरुद्धमा बोल्न किन सकिनौं आमा ?

तिम्रो मौनताले आज डल्लीलाई बेचबिखनको शिकार बनायो, उ बेचिई आमा

अरुका लागि त कहिल्यै बोलिनौ आमा
भाई र बुबाले तिम्रो भागै नराखी अंश गरी लिदा पनि
तिमी बोलिनौ आमा
कम से कम आफ्ना लागी त बोल आमा ।

बल्ल थाहा पाएँ आमा, तिमी किन बोलिनौ,
त्यो संस्कार नामको चस्माले तिम्रा आँखा छोपिएका थिए,
त्यो इज्जत नामको पट्टीले तिम्रो मुख बाँधिएको थियो ।
र त्यो समाज नामको हाउगुजीले तिमीलाई तर्साएको थियो ।
तर,
अब अति भो, तिमी बोल्छौ आमा,
तिमी मात्र किन, म पनि बोल्छु,
भुन्टी, चमेली, डल्ली हामी सबै बोल्छौ,
अन्याय विरुद्धमा बोल्छौ आमा ।
त्यो संस्कार नामको चस्मा,
इज्जत नामको पट्टी र
समाज नामको हाउगुजीले छेक्न सक्दैन आमा ।

अब त संविधान बोल्छ
फौजदारी र देवानी संहिता बोल्छ
किनकी हाम्रा अधिकारका लागि वकालत गर्न ल्याकको साथ छ आमा
अब अन्यायको विरुद्ध बोल्छौं
हरेक महिला बोल्छन् र बोल्नै पर्छ आमा
अब बोल्नै पर्छ, बोल्नै पर्छ, अब बोल्नै पर्छ आमा ।

(उहाँ ल्याकको अध्यक्ष हुनुहुन्छ ।)

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: