निर्मला हत्या प्रकरण : एसपीसहित तीनैजनाको डीएनए ‘नेगेटिभ’


प्रकाशित मिति :2018-09-30 10:50:01

–महिला खबर
ललितपुर । बलात्कारपछि हत्या भएकी कञ्चनपुरकी निर्मला पन्त प्रकरणमा निलम्बित एसपी डिल्लीराज विष्टसहित आशंका गरिएका तीनैजनाको डीएनए परीक्षण रिपोर्ट सार्वजनिक भएको छ । तर रिपोर्टमा तीनै जनाको ‘नेगेटिभ’ देखाएको छ । जिल्ला प्रहरी कार्यालय कञ्चनपुरका अनुसार तीनैजनाको डीएनए रिपोर्ट ‘नेगेटिभ’ देखिएको हो ।

घटनामा संलग्न भएको आशंकामा एसपी विष्ट, उनका छोरा किरण र भीमदत्त नगरपालिकाका मेयर सुरेन्द्र विष्टका भतिजा आयुष विष्टको डीएनए परिक्षण गरिएको थियो ।

यसअघि पनि प्रहरीले मुख्य अभियुक्त भनेर सार्वजनिक गरिएका दिलिपसिंह विष्टको समेत डीएनए परिक्षण गरिएको थियो । उनको पनि रिपोर्ट ‘नेगेटिभ’ आएको थियो ।

कञ्चनपुरका बासिन्दाले सुरुदेखि नै एसपी विष्टका छोरा किरण र मेयरका भतिजा आयुषमाथि छानबिन गर्न माग गर्दै आएका थिए । तर लामो समयसम्म उनीहरुमाथि अनुसन्धान गरिएको थिएन् ।

एसपी विष्टले पनि अनुसन्धानमा लापरवाही गर्नुका साथै प्रमाण नष्ट गर्न भूमिका खेलेको सरकारी छानविन समितिले जनाएको छ । छानविन समितिकै सिफारिसका आधारमा एसपी विष्टलाई निलम्बन गरिएको छ ।

गएको साउन १० गते साथी रोशनी बमको घर गएकी १३ वर्षीया पन्तको बलात्कारपछि हत्या गरिएको अवस्थामा शव भेटिएको थियो । घटना भएको दुई महिना भन्दा बढी हुँदा पनि हत्यामा संलग्न व्यक्तिलाई पक्राउ गर्न नसकिएको भन्दै चौतर्फी आलोचना हुँदै आएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: