संचारिका सदस्य दुर्गा कार्कीलाई ‘दक्षिण एशिया लाड्ली मिडिया पुरस्कार’


प्रकाशित मिति :2018-10-05 14:45:02

–महिला खबर–

ललितपुर । संचारिका समूहका कार्य समिति सदस्य दुर्गा कार्कीले लैङ्गिक संवेदनशीलता २०१७ को लागी ‘दक्षिण एशिया लाड्ली मिडिया पुरस्कार’ जीतेकी छन् । कार्की महिला खबर डटकमका पूर्व सम्पादक हुन् ।

अन्तर्राष्ट्रिय विज्ञापन संघ (भारत अध्याय) संग सम्बद्ध यो पुरस्कार १२ अक्टोबरमा मुम्बईमा आयोजना हुने पुरस्कार समारोहमा प्रदान गरिने छ ।

अन्तर्राष्ट्रिय विज्ञापन संघ (नेपाल अध्याय) द्वारा संचालित पाँच सदस्यीय मूल्यांकन कमिटीले कार्कीको महिला खबरमा प्रकाशित ‘समानुपातिक प्रणालीको दुरुपयोग’ शिर्षकको लेख नेपाल विजेताको रूपमा छनोट गरेको हो ।

मूल्यांकन कमिटीमा सार्वजनिक स्वास्थ्य विज्ञ आशा बस्नेत, लैङ्गिक विज्ञ मीता सैंजु प्रधान, विकास विज्ञ शंकरराज पाण्डे, नागरिक दैनिकका सम्पादक गुणराज लुइंटेल र हिमालयन टाइम्सका सम्पादक प्रकाश रिमाल थिए ।

कार्की हाल नेपाल वातावरण पत्रकार समूहद्वारा संचालित परियोजनामा कार्यरत छिन् ।

अन्तर्राष्ट्रिय मिडिया सञ्जाल (नेपाल अध्याय) का प्रबन्ध निर्देशक रविन लामाका अनुसार लैंगिक संवेदनशीलताका लागि लाड्ली मिडिया अवार्ड विशेष रूपमा मिडियामा लैंगिक संवेदनशीलताको प्रवद्र्धनका लागि दिइएको हो ।

सन् २००७ मा स्थापना भएको लाड्ली मिडिया अवार्ड्सद्वारा जारी प्रेस विज्ञप्तिमा पुरस्कारले लैंगिक संवेदनशील रिपोटिङ र प्रोग्रामिङको सन्दर्भमा मिडियामा भएका सकारात्मक प्रयासहरू तर्फ जनताको ध्यान आकर्षित गर्ने उद्देश्य राखेको र अर्वाडले उक्त प्रयासहरुलाई प्रदर्शनका लागि एक प्लेटफर्म प्रदान गर्दछ भन्ने उल्लेख गरेको छ ।

    Comment Here!

Related NEWS
मुख्य खबर

सामाजिक सेवा र महिला अधिकार

-कल्पना नेपाल आचार्य- मानव अधिकार अधिकृत त्याग र समपर्णको भावमा रमाएर राष्ट्रिय मानव अधिकार आयोग कति पीडा र

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

Read more
ताजा अपडेट
© 2015.All rights reserved by mahilakhabar.com
%d bloggers like this: