किक र पञ्च हान्न सिक्दै महिलाहरू


प्रकाशित मिति :2018-10-07 16:03:18

–महिला खबर–

ललितपुर । सात नम्बर प्रदेशमा यौन दुराचारीलाई ठोक्नदेखि रोकनसम्म सिकाइदै छ । शनिबारदेखि शुरु भएको शिविरमा बालिका तथा महिलाहरूलाई शारीरिक तथा मानसिक रुपमा यौन दुराचारीबाट कसरी जोगिने भन्ने कुरा सिकाइन थालेको हो ।

महिलामाथि बलात्कार जस्ता जघन्य अपराध बढ्न थालेपछि महिला अधिकारवादी संघ संस्थाहरूको समन्वयमा राष्ट्रिय गोजुरियो कराते दो संघ नेपालले महिलाका लागि एक हप्ते आत्मरक्षा शिविर सञ्चालन गरेको हो ।

शिविर महिलाहरूलाई ‘किक’ र ‘पञ्च’ हान्न सिकाएर आत्मविश्वासी बनाउने उद्देश्यले सञ्चालन गरिएको आयोजक गोजुरियो कराते दो संघ नेपालका केन्द्रीय महासचिव प्रकाशकुमार चन्दले बताए ।

शिविरमा स्कुले विद्यार्थी, अधिकारकर्मी, गृहिणी, व्यापारी महिलाहरूको सहभागिता रहेको चन्दले जानकारी दिए ।

उनले महिलाहरूको लागि यो तालिम पुरुषसंग लड्न नभइ आफ्नै आत्मरक्षाका लागि भएको बताए । बलात्कार गर्न खोज्नेको कुन–कुन भागमा हिर्काउँदा आफूलाई जोगाउन सकिन्छ भन्ने विषयमा शिविर अवधिभरी महिला तथा किशोरीहरूलाई अभ्यस्त पारिने उनले बताए ।

आयोजकले सात नम्बर प्रदेशका एक हजार महिला, बालिकालाई आत्मरक्षा सम्बन्धी तालिम दिने लक्ष्य लिएको थियो । तर, तालिमका लागि एक हजार ७०० ले फाराम भरेको र पहिलो दिन करिब डेढ हजारले सहभागिता जनाएको चन्दले बताए ।

तालिम उद्घाटन कार्यक्रममा बोल्दै सुदूरपश्चिम प्रदेशका मुख्यमन्त्री त्रिलोचन भट्टले महिलामाथि हुने हिंसाका घटना न्यूनीकरणका लागि प्रदेश सरकारले अभियान थाल्ने तयारी गरिरहेको बताए ।

यस्तै, सामाजिक विकासमन्त्री दीर्घ सोडारीले सबैखाले महिला हिंसा अन्त्यका लागि सबै एकजुट हुन आवश्यक रहेको औंल्याए ।

आत्मरक्षा तालिमबाट दुई सय जना प्रशिक्षक समेत उत्पादन गर्ने जनाइएको छ । उत्पादित प्रशिक्षकमार्फत कैलालीका हरेक स्थानीय तहमा आत्मरक्षा शिविर सञ्चालन गरिने आयोजक नेपाल गोजुरियो कराते दो संघ नेपालले जानकारी दिएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: