९ महिनामा बेचबिखनको जोखिममा परेका ६९ को उद्धार


प्रकाशित मिति :2018-10-07 11:24:21

-महिला खबर-

ललितपुर । के आइ नेपालले सन् २०१८ को हालसम्ममा ६९ जनाको उद्धार गरी परिवारमा पुनर्मिलन गराएको जनाएको छ । जसमा १० जना बालक रहेका छन् ।

मानव बेचखिखन तथा लैंगिक हिंसा विरुद्ध काम गर्दै आएको के आई नेपालले शनिबार आफ्नो १२ औं वार्षिक साधारणसभामा यो कुराको जानकारी गराएको हो ।

यस्तै आर्थिक वर्ष २०७४/७५ मा १५ हजार ३ सय ६८ जनालाई बेचबिखन बारे सूचना सम्प्रेषण तथा परामर्श दिएको पनि संस्थाले जनाएको छ । यही एक वर्षमा संस्थाले ६ सय २ जनालाई विभिन्न सीमा नाकाबाट उद्धार गरेको जानकारी दिएको छ ।

यस्तै ४ सय २१ जनालाई अनुसन्धानका लागि प्रहरीमा सिफारिस गरिएको, ४ सय ४८ जनालाई आपत्कालिन आवास गृहबाट सेवा प्रदान गरिएको, ५ सय ५२ जनाको परिवारमा पुनर्मिलन गराएको, ६८ जनालाई सुरक्षित आवास सेवा प्रदान गरिएको, ६८ जनालाई सिपमूलक तालिम प्रदान गरिएको केआइ नेपालका कार्यक्रम निर्देशक इन्द्रराज भट्टराईले बताए ।

संस्थाले २२ जनालाई सिपमूलक तालिम पश्चात व्यवसाय गर्न सहयोग गरिएको, ४० जनालाई कानूनी सेवा प्रदान गरेको पनि कार्यक्रम निर्देशक भट्टराईले जानकारी दिए ।

भारतसँग सीमा नाका जोडिएका ११ जिल्लाका १३ स्थानमा निगरानी केन्द्र सञ्चालन गरी मानब बेचबिखन विरुद्ध काम गरिरहेको भट्टराईले बताए ।

कार्यक्रममा बोल्दै ललितपुर उच्च अदालतका न्यायाधीश टेक नारायण कुँवरले पछिल्लो समयमा मानव बेचविखनको स्वरुप फेरिएको बताए । अहिले अदालतमा आउने अधिकांश मुद्दामा चिनजानकै मान्छेबाट महिला तथा बालबालिका पीडित भएको उनले बताए ।

अदालतमा दर्ता भएका मुद्दामा ६० प्रतिशतले मात्र न्याय पाउने गरेको र बाँकी ४० प्रतिशतले अझै न्याय पाउन नसकेको उनको भनाइ छ ।

यस्ता घटनामा अदालतलाई प्रमाणको आवश्यक पर्ने र प्राप्त मात्रामा प्रमाण नहुँदा मानव बेचबिखनका घटना छिनोफानो गर्न समस्या हुने गरेको उनले बताए ।

कार्यक्रममा बोल्दै ललितपुर महानगरपालिकाकी उपमेयर गीता सत्यालले प्रायजसो किशोरीहरु अरुको लहलहैमा लागेर बेचिने गरेको बताइन् ।

कार्यक्रममा बोल्दै अपराध अनुसन्धान ब्यूरोका (सीआइबी)का डीएसपी राजकुमार सिलवालले बेचबिखनमा महिलामात्रै नभइ पुरुष बेचिने क्रम पनि वृद्धि भएको बताए ।

गएका ३ वर्षमा बेचबिखनमा परेका २३ जना पुरुषको उजुरी परेकोमा पछिल्लो ८ महिनामा मात्रै ४० पुरुष बेचबिखनको सिकार भएको कुराबाट बेचबिखनमा पुरुष पनि पर्ने गरेको कुरा प्रष्ट भएको उनले बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: