हिंसा विरुद्ध अनेम संघको विशेष अभियान


प्रकाशित मिति :2018-10-08 17:22:06

–महिला खबर–

ललितपुर । अखिल नेपाल महिला संघ र अखिल नेपाल महिला संघ(क्रान्तिकारी)ले हिंसा रोक्न विशेष अभियान सञ्चालन गर्ने भएका छन् ।

सोमबार दुवै संघले संयुक्त आयोजना गरेको ‘महिला हिंसाका कारण र समाधान’ विषयक अन्तरक्रियामा अनेम संघकी अध्यक्ष गोमा देवकोटाले अभियान अन्तरगत संघको तल्लो तहसम्म पुगेर कार्यक्रम सञ्चालन गर्ने बताइन् ।

देवकोटाले अनेम संघले वि.स २००८ सालदेखि नै महिला हिंसा विरुद्ध आवाज उठाइरहेको भन्दै आज पनि महिलामाथिको दमन र अत्याचार बन्द नहुनु दुःखद् भएको बताइन् । संघले तिहारपछि विभिन्न व्यक्तिहरुसँग छलफल पश्चात कार्यक्रम सञ्चालन गर्ने उनले जानकारी दिइन् ।

अध्यक्ष देवकोटाले महिलामाथि हुने हिंसा न्यूनिकरणका लागि तीन तहका जनप्रतिनिधहरुलाई निर्देशित गर्ने बताइन् ।

कार्यक्रममा अनेमसंघ क्रान्तिकारीका अध्यक्ष अमृता थापामगरले महिला हिंसा अन्त्य गर्न नयाँ ढंगले अघि बढ्नुपर्ने बताइन् । उनले हिंसा रोक्नका लागि सरकारी स्तरबाटै विशेष कार्यक्रमको आवश्यक पर्ने बताइन् ।

प्रगतिशिल प्रध्यापक संघका अध्यक्ष डा. यादवप्रसाद लामिछानेले नागरिक सचेतनाबाट मात्रै महिला हिंसा रोक्न सकिने बताए । हिंसाका विषयलाई पाठ्यक्रममा समावेश गर्न सके रोकथाममा थप सहज हुने उनको भनाइ थियो ।

अनेरास्वव्युकी उपाध्यक्ष सुनिता बरालले अहिले महिलाहरुमाथि शारीरिक र मानसिक हिंसा बढेको बताइन् । अनेमसंघकी उपाध्यक्ष सिता पाण्डलेले पीडितलाई न्याय दिन र पीडकलाई कारबाहीको दायरामा ल्याउन संघले एकीकृत रुपमा कार्यक्रम सञ्चालन गर्ने बताइन् ।

राष्ट्रिय मानव अधिकार आयोगका पूर्व सदस्य गौरी प्रधानले महिला विरुद्धको हिंसा, स्थिति, कारण र समाधानका विषयमा कार्यपत्र प्रस्तुत गरेका थिए ।

कार्यक्रममा सूचना तथा सञ्चार मन्त्रालयकी उपसचिव संगिता ओझा, महिला, बालबालिका तथा जेष्ठ नागरिक मन्त्रालयकी उपसचिव रोसनीदेवी कार्की, शिक्षा, विज्ञान तथा प्रविधि मन्त्रालयकी शाखा अधिकृत लक्ष्मी भण्डारी, मानव अधिकार आयोगका विश्वप्रकाश भण्डारी लगायतले मन्तव्य राख्दै हिंसा न्यूनीकरण रोक्न सबै एकजुट हुनुपर्नेमा जोड दिएका थिए ।

    Comment Here!

Related NEWS
मुख्य खबर

सामाजिक सेवा र महिला अधिकार

-रुपा थापा- अघि बढ्नु पर्छ छोरी सधै तिमीले चम्किएर त्यो किरण सरि यो सामाजिक सेवामा सारा ती मौनतालाई तोडेर

सामाजिक सेवा र महिला अधिकार

-कल्पना नेपाल आचार्य- त्याग र समपर्णको भावमा रमाएर कति पीडा र व्यथा लुकाएर ओठमा मुस्कान छर्न तम्तयार

एक सडक बालक

-अप्सरा लावती लिम्बु- टोलाएर हेरी बसेको छ,फोहोरको डंगुरमाथी के के होलान है खानेकुरा भनेर कल्पनाले ऊ तरंगीत छ

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

Read more
© 2015.All rights reserved by mahilakhabar.com
%d bloggers like this: