बाल अनाथालयलाई सहयोग गर्ने निरुदेवीको प्रतिवद्धता


प्रकाशित मिति :2018-10-11 16:51:01

–महिला खबर–

ललितपुर । संघीय संसदको महिला तथा सामाजिक समितिका सभापति निरुदेवी पालले महेन्द्रनगरस्थित समाज कल्याण अञ्चल बाल अनाथालयको सञ्चालनार्थ आफूले आवश्यक सहयोग गर्ने बताएकी छन् । पालले आफ्नो तलवबाट मासिक ५ हजार अनाथालयलाई दिने पनि घोषणा गरिन् ।

बुधवार बाल अनाथालयको निरीक्षण गर्दै उनले आफूले यसको सञ्चालन र यहाँ आश्रित बालबालिकाका लागि गर्न सकिने सहयोग गर्ने प्रतिवद्धता गरिन् ।

 

अनाथलयको अगाडि व्यापारिक प्रयोजनका लागि संरचना बनाउन सकिने जमिन रहेको छ । त्यसैलाई व्यापारिक प्रयोजनका लागि सटर निर्माण गर्न सके त्यसबाट अनाथालयको आयश्रोत बढ्ने सञ्चालनका लागि सहयोग हुने कुरा अञ्चल बाल अनाथालय सञ्चालन समितिले सभापतिलाई जानकारी गराएको थियो ।

सभापति पालले सरकारले अहिले कुनै पनि बालबालिका सडकमा हुन नहुने नीति ल्याएकाले कुनै पनि बालबालिकाले सडकमा बस्नुपर्ने बाध्यता आउन नहुने बताईन् ।

आफू यसै क्षेत्रको सांसद भएकाले आवश्यक सबै सहयोगका लागि तयार रहेको उनले प्रष्ट पारिन् । उनले बाल मन्दिर क्षेत्रको समेत निरीक्षण गरेर त्यहाँको अवस्थाका बारेमा समेत जानकारी लिएको महिला खबरलाई बताइन् ।

समाज कल्याण अञ्चल बाल अनाथालय सञ्चालन समितिका अध्यक्ष पूर्ण बहादुर चन्दले अनाथालयको अवस्थाका बारेमा सभापतिलाई जानकारी गराएका थिए ।

२०४९ सालमा स्थापना भएको अनाथालयका लागि भनेर सरकारले विगतका वर्षहरुमा वार्षिक १० लाखका दरले बजेट विनियोजन गर्दै आएको थियो । तर पछिल्ला केही वर्षयतादेखि भने २ लाख वार्षिक बजेट पठाउने गरेको र त्यो अपुग रहेको अध्यक्ष चन्दले बताए ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: