बर्थिङ सेन्टरमा झरोको उज्यालो


प्रकाशित मिति :2018-10-26 14:15:04

–महिला खबर–

ललितपुर । बैतडीलाई घरमा हुने सुत्केरी शून्य घोषणा गर्न जिल्ला स्वास्थ्य कार्यालयले लामो समयदेखि अभियान चलाएको छ ।

४ नगरपालिका र ६ गाउँपालिका रहेको बैतडीमा अहिलेसम्म विभिन्न वडामा १ सय २७ बढी बर्थिङ सेन्टर स्थापना भई प्रयोगमा आइसकेका छन् ।

तर, जिल्लाको सिगास गाउँपालिका वडा नम्बर ९ काकँडामा रहेको बर्थिङ सेन्टरमा भने न त राम्रो भवन छ, न त सेवा सुविधा नै ।

पानीको पर्खालसंगै जोडिएको अर्को जिर्ण अवस्थाको भवनमा एउटा अनमीले सेवा दिरहेकी छन् ।

पानीको ट्याङकी नजिकै भएकाले बर्थिङ सेन्टरभित्र अहिले पनि पुरै पानी छ । चिसोको समयमा भित्र बस्न समेत गाह्रो भएकाले सुत्केरी गराउन दिउसो पनि उत्तिकै समस्या छ भन्छिन् अनमी उत्तमा पनेरु ।

भवनबाहेक बत्ती, शौचालय, फोहर फाल्ने ठाउँ केही नहुँदा प्रसूति गराउन आउने महिला र प्रसूति गराउने अनमी दुवैलाई समस्या भएको अनमी पनेरुले बताइन् ।

सिगास गाउँपालिका वडा नम्बर ७, ८ र ९ का सबै महिला सुत्केरी हुन यही बर्थिङ सेन्टरमा आउने हुँदा आफूलाई सेवा दिन गाह्रो भएको पनि उनले बताइन् ।

बर्थिङ् सेन्टरको ढोका अगाडि पानी जमेको भाग ।

ब्यथा लागेर राति आएका महिलालाई मोबाइलको उज्यालो वा सल्लाको झरो सल्काएर उज्यालो पारी सुत्केरी गराउनु पर्ने बाध्यता रहेको उनले बताइन् ।

‘कहिले दिनहुँ सुत्केरी आउँछन् । कहिले महिनामा, ४, ५ जना मात्रै आउँछन् । कार्यालय सहयोगी समेत नहुँदा सबै काम एक्लै गर्नुपर्दा निकै समस्या छ’ उनले सुनाइन् ।

बर्थिङ सेन्टरमा शौचालय नहुँदा सुत्केरी गराउन आउने महिलालाई दिसापिसाब गर्न समेत जंगल लैजानुपर्ने बाध्यता रहेको उनले बताइन् । ‘समस्या जसलाई सुनाए पनि कसैले सुनुवाइ गर्दैनन्’ उनले महिला खबरसंग भनिन् ।

बर्थिङ सेन्टरमा भएको समस्या पटक पटक स्वास्थ्यचौकी, जिल्ला स्वास्थ्य कार्यालय सबै ठाउँ राख्दा पनि कसैले सुनुवाई नगरेको उनको गुनासो छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: