बालिका हत्याको शंकामा ५ पक्राउ


प्रकाशित मिति :2018-11-13 15:51:50

-महिला खबर-

ललितपुर । बाख्रा चराउन जंगल गएकी बालिकाको हत्या आशंकामा प्रहरीले ५ जनालाई पक्राउ गरेको छ । जिल्ला प्रहरी कार्यालय उदयपुरका डीएसपी अर्जुन रानाभाटको नेतृत्वमा घटनास्थलमा पुगेको टोलीले सोमबार पाँच जनालाई अनुसन्धानका लागि नियन्त्रणमा लिएको हो ।

उदयपुरको रौतामाई गाउँपालिका–३ लाफागाउँकी १३ वर्षीया बालिका एल्जिना खड्काको शनिबार दिउसो बाख्रा चराउन गएको बेला जंगलमा रहस्यम तरिकाले मृत्यु भएको थियो ।

बालिकाको रहस्यमय तरिकाले मृत्यु भएको प्रहरीलाई खबर गरेपछि तालिम प्राप्त कुकुरसहित जिल्ला प्रहरी कार्यालय उदयपुरका (डिएसपी) अर्जुन रानाभाटको नेतृत्वमा गएको टोलीले स्थानीय पाँचजना युवालाई नियन्त्रणमा लिएको हो ।

स्थानीयबासीले नै बालिकाको हत्यामा यी व्यक्तिहरुको हात हुनसक्ने अनुमान गरेकाले नियन्त्रणमा लिइएको डीएसपी रानाभाटले बताए । पक्राउ परेका पाँचै जनाको नाम गोप्य राखिएको छ ।

बालिकाको शव अहिले पोष्टमार्टमका लागि अस्पताल लैजाने तयारी भएको प्रहरीले जनाएको छ । डीएसपी रानाभाटले शवको पोष्टमार्टमबाट मात्र बलात्कारपछि हत्या हो वा अन्य भन्ने खुल्ने बताए ।

उनले भने, ‘यसै हो भन्ने अवस्था छैन, पोष्टमार्टम र पक्राउ परेकाको बयानपछि घटनाको एकिन हुन्छ । घटनाको प्रकृति हेर्दा बलात्कारपछि हत्या गरेको हुन सक्ने अनुमान गरिएको छ ।

पक्राउ परेका युवाहरु पनि जंगलमा बाख्रा चराउन गएका थिए ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: