हामीले यसरी भेट्यौं गंगामाया चेपाङलाई


प्रकाशित मिति :2018-11-22 14:08:41

–लक्ष्मी न्यौपाने–

रक्सीराङ गाउँपालिका चेपाङवस्ती सरीखेतकी बाह्र वर्षीय गंगामाया प्रजाले कक्षा ४ मा पढ्दा पढ्दै गत माघमा भागेर विवाह गरिन् । अहिले उनको ८ महिनाको गर्भ छ । ६ जना भाइ बहिनी, दाजु भाउजु गरेर उनको संयुक्त परिवार छ ।

चरम गरिवी र दुखमा रहेको गंगामायाको परिवारलाई बिहान बेलुकाको छाक टार्न समस्या छ । यस्तो अवस्थामा गर्भावस्थामा रहेकी गंगामायाले पोषिलो खानेकुरा र जाडोमा न्यानो कपडा कहाँबाट पाउनु ? कक्षा ३ सम्म मात्र पढेका रञ्जीत चेपाङसंग प्रेमपछि भागेर विवाह गरेकी गंगामायाको परिवारले बताए अनुसार गंगाका श्रीमान रञ्जीत चेपाङको उमेर १८ वर्ष छ ।

गंगामायालाई रिङटा लाग्ने, ज्वरो आउने, वान्ता हुने भएपछि असार महिनादेखि उनी माइतीमा बस्दै आएकी छन् । विवाह लगतै काम गर्ने शिलशिलामा गंगाका श्रीमान काठमाडौं आएपछि उनी सम्पर्कविहीन भए । तर, केही समयपछि गंगामायाकी आमाले रञ्जित चेपाङलाई भेटेपछि उनले भेट्न आउने आश्वासन त दिए तर भेट्न आएका छैनन् ।

समकोण कार्यक्रममा गंगामाया चेपाङ

कसरी आइन् गंगामाया समकोणको सम्पर्कमा ?

समकोण टेलिभिजनले हरेक शुक्रबार कान्तिपुर टेलिभिजनमा पिछडिएका, प्रभावित तथा सीमान्तकृत महिलाका समस्या तथा सवालहरुमा कार्यक्रम प्रशारण गर्ने गरेको छ ।

यसै क्रममा समकोण टेलिभिजन टिमले चेपाङ महिलाका वास्तविक सवाल तथा समस्याहरुलाई उजागर गर्ने, नीति निर्माता तथा महत्वपूर्ण सरोकारवालाहरुसंग बहस तथा पैरवी गर्ने र प्रभावित तथा समस्यामा परेकाहरुलाई न्याय दिलाउने अभिप्रायले चेपाङ जातिको बाहुल्यता रहेको मकवानपुरको राक्सीराङ गाउँपालिकामा सार्वजनिक सुनुवाइ कार्यक्रम गर्ने निर्णय ग¥यो ।

सोही अनुरुप समकोण टेलिभिजन टिम (सञ्चारिका समूहकी निवर्तमान अध्यक्ष तथा समकोण टेलिभिजनकी निर्देशक निर्मला शर्मा, कार्यक्रम संयोजक लक्ष्मी न्यौपाने, अनुसन्धानकर्ता सुजाता ढुंगाना तथा गोपाल गर्तौला) र पत्रकार शीव कुमार काशीसहितको टोली चेपाङ महिलाका समस्या तथा सवालहरुको खोजी गर्ने अभिप्रायका साथ २३ असोज, २०७५ का दिन राक्सीराङ गाउँपालिकाको पलाँसे पुगेको थियो ।

अध्ययन तथा अनुसन्धानका लागि राक्सीराङ गाउँपालिकामा समकोण टेलिभिजन समूहले छलफल तथा व्यक्तिगत अन्तरवार्ता गर्यो ।
चेपाङ महिलाका स्वास्थ समस्याको अध्ययन तथा खोजी गर्ने क्रममा अनमी सन्तोषी अधिकारीसंग समकोण समूहले अन्तरवार्ता लिएको थियो । सन्तोषी अधिकारीले नै गंगामायाको बारेमा जानकारी गराएकी थिइन् ।

जानकारी पाए लगतै सन्तोषी अधिकारीसहित समकोण टेलिभिजन टोली पलाँसे वडा नं ३ बाट १ घण्टा हिंडेर गंगामायाको माइतीघर पुग्यो । गंगामायाको अवस्था अध्ययन गरेपछि २५ असोज २०७५ का दिन चेपाङ महिलाका अवस्था तथा समस्याका बारेमा प्रदेश नं. ३ का मुख्य मन्त्री डोरमणी पौडेलको उपस्थितिमा हुन लागेको सार्वजनिक सुनुवाइ कार्यक्रममा आफ्ना समस्याहरु बताउन समकोण टेलिभिजन टिमले आग्रह गरेपछि गंगामाया कार्यक्रममा आउन राजी भइन् ।

यसरी गंगामायाले २५ असोज २०७५ का दिन मुख्यमन्त्री डोरमणी पौडेल तथा राक्सीराङ गाउँपालिकाका उपाध्यक्ष निर्मला हिमडुङ अतिथि तथा मुख्यवक्ता रहेको समकोण टेलिभिजन कार्यक्रममार्फत आफ्ना समस्या सार्वजनिक गरेकी थिइन् । तत्पश्चात हेटौंडाका पत्रकार र विभिन्न पत्रपत्रिकाले उनको समस्यालाई उजागर गरेपछि गंगामायाको समस्या भाइरल भएको थियो ।

सरकारको सह्रानीय कार्य

गंगामायाको समस्या सार्वजनिक भएपछि धेरै संघसंस्थाहरुबाट उनलाई सहयोग गर्ने आश्वासन प्राप्त भएको थियो । उनको समस्यामा प्रधानमन्त्री केपी शर्मा ओलिले पनि चासो देखाएपछि उहाँकै निर्देशनमा गंगामाया चेपाङलाई सुरक्षित रुपमा सुत्केरी गराउन मंसिर ४ गते काठमाडौं ल्याइएको छ ।

राक्सीराङ गाउँपालिकाका अध्यक्ष राजकुमार मल्ल र उपाध्यक्ष निर्मला हिमडुङको पहलमा गंगामायालाई हेटौंडा अस्पताल भर्ना गरिएको थियो । प्रधानमन्त्री कार्यालयले चासो दिएपछि उनलाई काठमाडौं ल्याइएको हो । हाल गगांमाया थापाथली प्रसुती गृहमा छिन् । कलिलै उमेरमा गर्भवती भएकीले चिकित्सकको निगरानीमा सुत्केरी गराउनुपर्ने उपचारमा रहेका डाक्टरहरु बताउँछन् ।

गंगामायाका श्रीमान काम गर्ने शिलशिलामा केही समय सम्पर्क विहीन रहेको भनिए पनि अहिले उनी सम्पर्कमा छन् र गंगामायालाई भेटिसकेका छन् ।

उचित शिक्षा र वालविवाह अन्त्यको खाँचो

सरकारले गंगामायाप्रति गरेको सहयोग सह्रानीय छ । यद्यपि राक्सीराङ गाउँपालिकाको यो एउटा मात्र समस्या होइन । गंगामाया त प्रतिनिधि पात्र मात्र हो ।

राक्सीराङ गाउँपालिकामा यस्ता हजारौं गंगामाया कलिलै उमेरमा विवाह गरी विकराल स्वास्थ्य समस्यामा पर्ने गरेका छन् भने बालविवाह गरेकै कारण विवाहपश्चात् विचैमा पढाइ छाडी अन्धकार भविष्यतर्फ उन्मूख छन् ।

यसर्थ चेपाङ बालबालिकाको उचित शिक्षा र बालविवाह अन्त्यमा सरकारले ठोस् पहल गरोस्, शुभकामना ।

गंगामाया चेपाङकी आमासँग समकोण टेलिभिजनकी निर्देशक निर्मला शर्मा ।

समकोणको छायांकन कार्यक्रममा गंगागामाया ।

गंगामायाका भाईबहिनीसँग लेखक ।

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: