प्रथाजन्य हिंसामा महिला


प्रकाशित मिति :2018-12-14 16:23:58

–महिला खबर–

ललितपुर । महिला सबैभन्दा बढी प्रथाजन्य हिंसामा पर्ने विभिन्न समुदायका महिलाहरुले बताएका छन् । महिला माथिको हिंसा, यसका कारण र निराकरणका उपायका बारेमा सम्झाैता नेपालले गरेको छलफलमा मुस्लिम, दलित, मधेशी, आदिवासी जनजाती लगायतका क्षेत्रका महिलाहरुले प्रथाजन्य हिंसाको शिकार महिला भएको बताएका हुन् ।

सामान्यतया मुस्लिम महिलालाई धर्मले पछि पारेको ठानिन्छ । अधिकारकर्मी सीमा खानले भनिन्, ‘मुस्लिम महिलालाई धर्मले होइन प्रथा र परम्पराले पछि पारेको हो ।’

उनका अनुसार मुस्लिम धर्मले समान शिक्षाको कुरा गर्छ । तर, कम लेखपढ गर्ने मुस्लिम महिला छन् । ‘ यो अवस्था धर्मले होइन परम्पराले ल्याएको हो ।’ उनले भनिन् ।

सप्तरी जिल्लाबाट प्रतिनिधि सभा सांसद सरिता गिरी यादवले जतिसुकै कानून तथा समानताका लागि नियम बनाएपनि मानसिकता परिवर्तन नभएसम्म केही नहुने बताइन् ।

‘प्रदेश २ का महिलाको अवस्था नेपालमै सबैभन्दा कमजोर छ’ उनले भनिन्, ‘महिलामाथि गरिने व्यवहार नफेरिएसम्म कानून बनेर पनि केही हुँदैन ।’

त्यसैगरी दलित महिलाका अधिकारका लागि क्रियाशिल कमला हेम्चुरीले दलित महिलामाथि संरचनागत विभेद रहेको भन्दै यस्ता विभेद हटाउन हिंसाका स्रोतहरुको पुर्नव्याख्या गर्नुपर्ने बताईन् ।

कार्यक्रममा महिलामाथि विद्यमान हिंसाका स्वरुप र यसको निकरणका लागि भएका कानूनी व्यवस्थाका बारेमा पनि छलफल भएको थियो ।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: