महिलाको सहकारीमा पुरुष आरक्षण


प्रकाशित मिति :2018-12-26 16:26:49

–महिला खबर–

चितवन । चितवनको नारायणगढका महिलाहरुले मात्रै चलाएको एक सहकारीले पुरुषलाई आरक्षण दिएको छ ।  पुल्चोक बचत तथा ऋण सहकारी संस्थाले पुरुषलाई शेयर सदस्यको रुपमा मात्रै आरक्षण दिएको हो । सहकारीको सञ्चालक समितिमा भने महिला मात्रै छन् ।

अहिले ५ सय ७३ जना शेयर सदस्य रहेको सहकारीमा १ सय ४१ जना पुरुष शेयर सदस्य छन् । महिलाहरुको नेतृत्वमा सञ्चालित सहकारीमा पुरुषहरुलाई पनि सहभागी गराउँदा समावेशीता पनि देखिने भएकोले शेयर सदस्य पुरुष राखेको संस्थाकी अध्यक्ष सावित्री पौडेलले बताइन् ।

उक्त संस्थाले केही दिन अघि मात्रै साधारण सभा तथा अधिवेशन सम्पन्न गरेको छ । साधारण सभामा जानकारी दिइएअनुसार संस्थाको कोषाध्यक्ष अनु भट्टराईले ३ करोड ४९ लाख ३० हजार बराबरको आर्थिक कारोबारको प्रतिवेदन पेश गरेकी थिइन् ।

सहकारी १ सय रुपैयाँ बचत गरी २०७० सालमा ३१ जनाबाट सुरुआत भएको थियो । जसमा नारायणगढमा व्यवसाय गरी बस्ने महिलाहरु आवद्ध छन् ।

केही दिन अघि सम्पन्न तेस्रो अधिवेशनले संस्थाको नयाँ सञ्चालक समिति समेत चयन गरेको छ । जसको अध्यक्षमा आरती पन्त छिन् । ११ सदस्यीय सञ्चालक समितिको उपाध्यक्षमा मेनका चापागाई काप्री, सचिवमा अनु भट्टराई गौतम, कोषाध्यक्षमा रुमी श्रेष्ठ रहेका छन् । यस्तै सदस्यहरुमा रेनु श्रेष्ठ, मिना श्रेष्ठ, गीता देवी पौडेल, गीता सापकोटा, सुधा रायमाझी, राजकुमारी शर्मा र सुजिता पन्त छन् ।

अधिवेशनले ३ सदस्यीय लेखा समिति पनि चयन गरेको थियो । जसको संयोजकमा सुनिता धिताल र सदस्यमा लक्ष्मी पन्त र कल्पना पाण्डे विसी छन् ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: