सडकमै महिला कुट्ने सवारी चालकविरुद्ध मुद्दा दर्ता


प्रकाशित मिति :2019-06-02 15:22:08

–महिला खबर–

काठमाडौं । चर्को भाडा लिएको बिरोध गर्दा सडकमै महिला कुट्ने सवारी चालकविरुद्ध कंचनपुर प्रहरीले आज मुद्दा दर्ता गरेको छ ।

गएको शुक्रवार धनगढीबाट कंचनपुरको महेन्द्रनगर जाने क्रममा भाडा बिवाद हुँदा महिलालाई सडकमै कुटपिट र गाली बेइज्जती गर्ने से १ ज १०९४ नम्बर गाडी (किया गाडी)का चालक गोकुल बोहराविरुद्ध कञ्चनपुर प्रहरीले आज मुद्दा दर्ता गरेको हो । चालक बोहराले धनगढीकी लक्ष्मी धनाडीलाई सडकमै लछार पछार र कुटपिट गरेका थिए ।

महिलालाई सार्वजनिक स्थलमै कुटपिट गर्ने बोहराविरुद्ध ‘सार्वजनिक हित शान्ति सुरक्षा, सुविधा र नैतिकता विरुद्धको कसुर’मा मुद्दा दर्ता गरिएको जिल्ला प्रहरी कार्यालय कञ्चनपुरले जानकारी दिएको छ ।

सँगै यात्रा गरिरहेका बैतडीका दिपेन्द्र चन्दले उक्त कुटपिटको भिडियो खिचेर सामाजिक संजालमार्फत सार्वजनिक गरेका थिए । उनै दिपेन्द्र र कुटपिट गरिएकी धनाडीको संयुक्त उजुरी अनुसार चालक बोहराविरुद्ध मुद्दा दर्ता गरिएको हो ।

उक्त मुद्दा अनुसार पीडकलाई एक वर्षसम्म जेल सजाय र २० हजार जरिवाना वा दुवै सजाय हुने कानुनी ब्यवस्था छ ।

उक्त घटनाको भिडियो फुटेज सार्वजनिक गर्ने दिपेन्द्र प्रहरीभित्रको बेथितिविरुद्ध बोल्दा अवकास पाएका पूर्व प्रहरी जवान हुन् ।

उनी स्वयं कानुनका विद्यार्थी भएका कारण घटनालगत्तै शुक्रबार नै चालक विरुद्ध मुद्दा दिए पनि दर्ता भने आज आइतबार मात्रै भएको हो ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: