ओखलढुंगामा यस्तो छ लैंगिक तथा घरेलु हिंसाको तथ्यांक


प्रकाशित मिति :2019-06-12 14:45:23

–महिला खबर–

ओखलढुंगा । ओखलढुंगामा चालु आर्थिक वर्षमा ३३ वटा लैंगिक हिंसाका मुद्दा परेका छन् । जिल्ला प्रहरी कार्यालयमा एक नगरपालिकासहित पाँच गाउँपालिकाबाट ३३ वटा लैंगिक हिंसाका मुद्दा परेका हुन् ।

लिखु गाउँपालिका र खिजिदेम्बा गाउँपलिकाबाट भने एउटा पनि मुद्दा नपरेको प्रहरी कार्यालयको तथ्याङ्कमा छ । सबै भन्दा बढि सिद्धिचरण नगरपालिकाबाट १६ वटा उजुरी परेको प्रहरी निरीक्षक राजिब श्रेष्ठले जानकारी दिए ।

प्रहरी निरीक्षक श्रेष्ठका अनुसार मानेभञ्ज्याङ्गबाट ४, सुनकोशीबाट ५, चिशंखुगढीबाट २, मोलुङ्गबाट ४ र चम्पादेवी गाउँपालिकाबाट २ वटा उजुरी परेका छन् । प्रहरीमा आएका ३३ वटा लैंगिक हिंसाका मुद्दा मध्ये २६ वटामा कारबाही भएको, चार वटामा कारबाही हुन बाँकी रहेको र तीनटा मुद्दालाई जिल्ला अदालतमा पठाईएको प्रहरीले जनाएको छ ।

यसका साथै चालु आर्थिक वर्षमा ४२ वटा घरेलु हिंसाका उजुरी परेका छन् । जिल्ला प्रहरी कार्यालयमा चालु आर्थिक वर्षको ११ महिनामा ४२ वटा घरेलु हिंसाका मुद्दा परेका हुन् । जिल्लाका आठ स्थानीय तह मध्ये सबै भन्दा बढि सिद्धिचरण नगरपालिकाबाट १८ वटा उजुरी परेको प्रहरी कार्यालयको तथ्याङ्कले देखाउँछ ।

यसका साथै मानेभञ्ज्याङ्ग गाउँपालिकाबाट २, सुनकोशी गाउँपलिकाबाट ४, खिजिदेम्बाबाट ६, चिशंखुगढी बाट २, मोलुङ्ग बाट ७ र चम्पादेवी गाउँपालिकाबाट ३ वटा घरेलु हिंसाका उजुरी परे । चालु आर्थिक वर्षको अन्त्यसम्ममा लिखु गाउँपलिकाबाट भने एउटा पनि घरेलु हिंसाका मुद्दा नपरेको प्रहरी निरीक्षक श्रेष्ठले बताए ।

कुल ४२ वटा उजुरी मध्ये ३१ वटाको मिलापत्र भएको र ११ वटा मुद्दाको कारबाही बाँकी छ ।

जिल्लामा भएका अधिकांश घरेलु हिंसाका घटनाको मुख्य कारण मादक पदार्थ (मदिरा) रहेको प्रहरीको भनाइ छ । घरेलु हिंसाका अधिकांश पीडित महिला रहेको महिला तथा बालबालिका सेवा केन्द्रका प्रहरी हवल्दार डिकबहादुर निरौलाले बताए ।

सदरमुकाम भन्दा टाढाका गाउँपालिकाबाट भन्दा नजिकका नगरपालिका र गाउँपालिकाबाट लैंगिक हिंसा र घरेलु हिंसाका उजुरी बढि आएको प्रहरी कार्यालयको तथ्याङ्ले देखाउँछ ।

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: