पाठेघरको मुखमा हुने क्यान्सर सम्बन्धि तालिम


प्रकाशित मिति :2019-06-29 20:10:14

-महिला खबर-

ललितपुर । पाठेघरको मुखमा हुने क्यान्सर सम्बन्धमा अगुवा महिलाहरुलाई तालिम दिइएको छ । बालकुमारी स्वास्थ्य समाजको आयोजना र मध्यपुर थिमि वडा नं ४ को साझेदारीमा पाठेघरको मुखमा हुने क्यान्सर सम्बन्धि तीन दिने तालिम दिइएको हो ।

मध्यपुर थिमि नगरपालिकाका मेयर मदनसुन्दर श्रेष्ठका अनुसार मध्यपुर थिमिका महिला समूह र स्वास्थ्य समाजका २५ जना अगुवा महिलाहरुलाई तालिम दिइएको हो ।

स्वास्थ्य समाजका सचिव रवि श्रेष्ठले जेठ ३० देखि ३२ सम्म संचालन भएको तालिम पश्चात सहभागिहरुले आ–आफ्ना समूहका सदस्यहरुलाई एक दिने अभिमुखिकरण गरेको जानकारी दिए । पाठेघरको स्वरुप र यसका अंगहरुको कार्य, यौन संक्रमण, स्तन क्यान्सर तथा पाठेघरको मुखमा हुने क्यान्सर विषयक अभिमुखि कार्यक्रममा ३ सय भन्दा बढीको सहभागिता थियो ।

बालकुमारी स्वास्थ्य समाजका अध्यक्ष पूर्णकेशरी श्रेष्ठले शिविरमा २ सय ७९ जना महिलाहरुको पाठेघरको मुखमा हुने क्यान्सर परीक्षण गरिएको जानकारी दिइन् ।

बालप्रेमी माध्यमिक विद्यालयमा समापन भएको कार्यक्रममा नगर प्रमुख श्रेष्ठले महिला स्वास्थ्यलाई सुधार गर्न अझ प्रभावकारी कार्यक्रमहरु पेश गर्न अनुरोध गरे ।

साथै, उक्त कार्यक्रमले धेरै महिलाहरु लाभान्वित भएको बताउँदै वडामा मात्र सिमित नराखी यस्ता कार्यक्रम नगरस्तरीय रुपमा सञ्चालन गर्नु पर्नेमा उनले जोड दिए ।

कार्यक्रममा वडा अध्यक्ष कुमार श्रेष्ठ, सदस्य सुन्दरलाल श्रेष्ठ, महिला सदस्य समकेशरी श्रेष्ठ र सल्लाहकार कृष्णलाल गोजा श्रेष्ठले मन्तव्य राखेका थिए ।

    Comment Here!

Related NEWS
मुख्य खबर

पत्रकार मृत फेला

-महिला खबर- पत्रकार निर्मला पहराई शुक्रबार मृत फेला परेकी छिन् ।

बैठकमा महिला सहभागिता नभएकोमा चिन्ता

-महिला खबर- गैर आवासीय नेपाली संघले अमेरिका क्षेत्रको क्षेत्रीय बैठकमा महिलाको सहभागिता हुन नसकेको विषयप्रति ध्यानाकर्षण

खाद्यान्न सहयोग

अछामको मंगलसेन नगरपालिकाका दुई वडामा ६० जना विपन्न एकल महिलालाई अछाम जेसिजले खाद्यान्न सहयोग गरेको

सुरक्षित मातृत्व तथा प्रजनन् स्वास्थ्य अधिकार नियमावली स्वीकृत

काठमाडौँ । सुरक्षित मातृत्व तथा प्रजनन् स्वास्थ्य अधिकार ऐन, २०७५ लागु भएको तीन वर्षपछि नियमावली

उद्यमी महिलालाई अनलाइन बजारीकरण र ऋणमा समस्या

-महिला खबर- कोभिड-१९ को असरका कारण ऋण चुक्ता गर्न नसकेको र कर्मचारीलाई तलव दिन समस्या भएको

Read more
ताजा अपडेट
© 2015.All rights reserved by mahilakhabar.com
%d bloggers like this: