४१ प्रतिशत हिंसा श्रीमानबाटै


जेष्ठमा मात्रै १ सय ६५ महिलामाथि हिंसा

प्रकाशित मिति :2019-07-02 14:15:20

–महिला खबर–

ललितपुर । गएको जेठ महिनामा मात्रै १ सय ६५ महिलामाथि हिंसा भएको छ । ओरेक नेपालले जेष्ठ महिनामा अभिलेखिकरण गरेका १ सय १६ तथा विभिन्न राष्ट्रिय पत्रपत्रिकाहरुबाट प्राप्त ४९ घटनाका आधारमा १ सय ६५ वटा लैङ्गिक विभेदमा आधारित हिंसाको तथ्याङ्क संकलन गरि प्रतिवेदन सार्वजनिक गरेको छ ।

ओरेकले अभिलेखीकरण गरेको तथ्याङ्कलाई विश्लेषण गर्दा जेष्ठ महिनामा ७८ वटा (४७ प्रतिशत) घरेलु हिंसाको तथ्याङ्क संकलन भएको छ ।

यसैगरी ५२ वटा (३२ प्रतिशत) यौन हिंसा, १४ वटा (८ प्रतिशत) सामाजिक हिंसा, ६ वटा (४ प्रतिशत) हत्या, ६ वटा (४ प्रतिशत) मानव बेचविखनका घटना, ३ वटा (२ प्रतिशत) पारिवारिक स्रोतका अनुसार लैंगिक विभेदका कारणले आत्म हत्या गरेका घटना, २ वटा (१ प्रतिशत) बेचविखन प्रयासका घटना संकलन भएका छन् । ४ वटा (२ प्रतिशत )घटना माथिकाबाहेक अन्य प्रकारका छन् । अन्य प्रकारका हिंसामध्ये २ जनालाई अलपत्र पारिएको र २ जनालाई अनलाइनमार्फत हिंसा भएको तथ्याँक ओरेकको प्रतिवेदनमा उल्लेख छ ।


यस्तै उमेरको आधारमा विश्लेषण गर्दा जेष्ठ महिनामामात्रै सबैभन्दा धेरै ५० जना (३० प्रतिशत)१७ देखि २५ वर्ष उमेर समूहका बालिका, किशोरी र युवा महिलाहरु बढी हिंसाको जोखिममा रहेको पाइएको छ । यसपछि हिंसामा पर्ने सबै भन्दा बढी ४६ जना (२८ प्रतिशत) १६ वर्षभन्दा कम उमेरका बालिका तथा किशोरीहरु रहेका रहेका छन् । ३९ जना (२४ प्रतिशत) २६ देखि ३५ वर्ष उमेर समूहका, १९ जना (१२ प्रतिशत) ३६ देखि ४५ वर्ष उमेर समूहका रहेका छन् । त्यसैले हिंसाको बढी जोखिममा २५ वर्षभन्दा कम उमेर समूहका बालिका, किशोरी र युवामहिलाहरु रहेको देखिन्छ ।

यस्तै, हिंसामा संलग्न पुरुषहरुको उमेरको विश्लेषण गर्दा सबैभन्दा धेरै २६ देखि ३५ वर्ष उमेर समूहका छन् । यो उमेर समूहका ५५ जना (३३ प्रतिशत) रहेका छन् । यसैगरी ३५ जना (२१ प्रतिशत) १७ देखि २५ वर्ष उमेर समूहका र २९ जना (१८ प्रतिशत) ३६ देखि ४५ वर्ष उमेर समूहका पुरुषहरु हिंसामा संलग्न भएको पाइएको छ ।

प्रभावित र आरोपितको सम्बन्धलाई बिश्लेषण गर्दा, सबैभन्दा बढी ६८ वटा (४१ प्रतिशत) हिंसा श्रीमानबाट भएको छ भने ४४ वटा (२७ प्रतिशत) हिंसाका घटना छिमेकीबाट र १२ प्रतिशत (१४ वटा) परिवारका सदस्यवाट भएको पाइएको छ ।

तथ्याङ्ककलाई विश्लेषण गर्दा महिलाहरु अन्जान व्यक्तिहरुबाट भन्दा श्रीमान, छिमेक र घरपरिवारका व्यक्तिहरुबाट नै बढी हिंसाको जोखिममा रहेको देखिन्छ । त्यस्तै २५ वर्षभन्दा कम उमेर समूहका बालिका, किशोरी र युवा महिलाहरु बढि हिंसाको जोखिममा रहेको र २६ देखि ३५वर्ष उमेर समूहका युवाहरु हिंसाको प्रमुख जिम्मेवार भएको पाइएको छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: