दुर्गेले पनि भन्लिन् त, ‘म पर सरेँ’


प्रकाशित मिति :2019-09-22 09:52:55

प्यारी नारी,

दशैं समिपमा छ । तिमी पक्कै तिम्रो त्यो अवधिका ती दिनहरु गणना गर्दै बसेकी छ्यौ होला । तिमी नाच्न चाहन्छ्यौ रोटेपिङ्ग जस्तै । अनि उड्न चाहन्छ्यौ धागो र चङ्गा जस्तै । त्यसैले तिमीले छिटो अथवा ढिलो दशैंभन्दा अगाडि अथवा पछाडी वाला ओखती किन्न खाजा खर्च बचाउन थालिसकेकी छ्यौं होला । यो थाहा हुँदा हुँदै कि उक्त ओखतीले तिम्रो तन सङ्गै मनमा पनि सहि नसक्ने पीडा दिन्छ । तर तिम्री आमाका डरलाग्दा आँखा अनि समाजको अनुदारको पीडा भन्दा त्यही पीडादायी ओखती अधिक रुचिकर लाग्दछ । तिमीले त्यो पीडा सहेर गुपचुप बसेको मात्रै एक-दुई वर्ष बित्यो होला । तर तिम्री दिदी, भाउजू, फुपू, काकी र आमाहरूले जमरा अनि टीकाबिहीन दशैंमा जबर्जस्ती रमाउनुपरेको वर्षौ बित्यो होला ।

तिमीलाई आज एउटा अनुरोध गर्न गइरहेकी छु ( यो सानो पत्र मार्फत । नकारात्मक उत्तर दिएर मलाई निराश नपार ल ! यसपालि एक पाइला अघि सार न प्लीज ! त्यो अन्धविश्वासी अनि रुढीबादी सिद्धान्तको निम्ति यो दशैंमा आफ्ना प्रचुर आकांक्षा र खुशीहरुको बली नचढाऊ न है ! अनि खाजाखर्च ओखतीको लागि नभएर सेनेटरी प्याडको लागि बचाऊ । यसपालि तिमीले चाहेको तरिकाबाट आनन्द लेऊ । मन लागेको खाऊ । तिम्रो केशपासमा सुहाउने जमरा अनि तिम्रो निधारमा खितिती हाँस्ने टीका पनि लगाऊ । अनि दुर्गामाताको पूजा पनि गर न है !

पुजा

तिमीलाई अवगतै छ की, दुर्गे पनि एउटी महिला हुन् । त्यसको तात्पर्य बुझ्यौ ? हो…..! उनी पनि रगत बहाउदछिन् । तिमीले जस्तै । सायद एउटा कुरा कहिल्यै मनन गरिनछ्यौ । यही कि यदी दशैंको दिनहरुमा उनी रजस्वला भइन् भने तिमीजस्तै पीडादायी ओखती किनेर अनि मन मारेर, ‘मलाई यसपाली नपुज ए…..मनुवाहरु हो ! म नछुने भए…. पर सरेँ’ भन्छिन होला त ? के उनी पनि महिनावारी हुँदा १२ दिनसम्म सूर्य, पुस्तक अनि छोरा मान्छेको मुख नहेर्ने ध्येयले मन्दिर छोडेर छाउगोठमा बसाइँ सर्छिन् होला त ? अहँ कदापि त्यसो गर्दिनन् । त्यसो भए तिमीचाहिँ किन अर्थहीन कुराहरूमा बाठी पल्टिन्छ्यौ ? तिम्रा मातापिता अनि तिम्रो समाज हठी छ होईन ? अरे लाटी….! पहिला आफू त अघि सर, कमसेकम एक पाइला नै सही । बरु दोस्रो पाइला अघि बढाउन माथ्लो घरकी काइली,तल्लो घरकी झुमा, रुपा, उजेली, चमेली सबैलाई चिच्याएर बोलाऊ । उनीहरूसङ्ग हातेमालो गरेर त हेर । उनीहरूको पनि त तिमीजस्तै मर्न आटेको इच्छा हुँदो हो ।

परिवर्तन भन्ने कुरा आटेपछी मात्रै सम्भव छ । जाग अब । यो दुनियाँमा असम्भव केही पनि त छैन । तिमी जुन कुरालाई असम्भव अनि पाप सोचेर बसेकी छ्यौ नी, त्यसलाई सम्भव अनि प्राकृतिक बरदानमा रुपान्तरण गर । अनि घरमाथीको चिउरे डाँडाँमा गएर गर्वका साथ भन, ‘छाउपडी प्रथा होइन कुप्रथा हो ।’

उही तिम्री पुजा ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: