म र मेरो कविता


प्रकाशित मिति :2019-10-25 14:28:23

-रामेश्वरी पन्त-


कविता लेखिरहेछु
या कविता मलाई लेखिरहेछ

हरेक दिन
कसौंडी र ताप्केमा
डाडु पन्युँले
कविता लेख्छु
प्रेसर कुकरमा
हरेक साँझ बिहान
जोड जोडले
सिट्ठी बज्छन्
मेरा कविताका अक्षरहरू
नुन, मसला र बेसारले निखार्छ मेरो कवितालाई
खुर्सानीले तिखार्छ मेरो कवितालाई

थाल थालमा प्रसारित हुन्छन्
कच्यौरा कच्यौरामा प्रकाशित हुन्छन्
अनेक प्रतिक्रिया सहित
जब उदरस्त हुन्छन् मेरा कविता

थाल कच्यौरा
डाडु डाडु पन्युँ
ताप्के र कुकुरका
टाङटाङ टुङटुङसङ्गै
हरेक साँझ बिहान
मेरा कविताको मलामी जान्छु ।

यसै गरि दोहोरीइ रहन्छन् मेरा कविता
तर थाहा छैन मलाई

कविता लेखिरहेछु
या
कविता मलाई लेखिरहेछ ।

    Comment Here!

Related NEWS
मुख्य खबर

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

थाहा थिएन

-अनिता महर्जन- थाहा थिएन आमा पराइ घरको जिवन शैली सोचेको थिएँ आफ्नै जस्तै हुन्छ कि भनेर

नारी सहास र सृजनाको स्रोत

-अञ्जना दास परियार- परोपकारी मन, भावना र कार्यले सुनौलो विश्व-इतिहास रच्न सफल मदर टेरेसा नारी तिनी ।

अधिकारीले दायर गरेको रिटमा सर्वोच्चको कारण देखाउ आदेश

-महिला खबर- ललितपुर । गोरखापत्र संस्थानको प्रधान सम्पादक नियुक्तिका विषयमा परेको रिट निवेदनमा सर्वोच्च अदालतले कारण

समाज सेवा र हाम्रो परिवेश

-हिरा दाहाल- बर्दियाकि बहिनी भात खान नपाएर देह त्याग गर्न विवश देशमा समाज सेवा गर्छु भन्न पनि लाज

Read more
© 2015.All rights reserved by mahilakhabar.com
%d bloggers like this: