महिला शहीदको सम्झनामा कार्यक्रम गरिने


प्रकाशित मिति :2019-12-04 12:37:53

–महिला खबर–

ललितपुर । महिला शहीदको सम्झनामा काठमाडौंमा विविध कार्यक्रम गरिने भएको छ । लैंगिक हिंसा विरुद्ध १६ दिने अभियान अन्तरगत डिसेम्बर ६ तारिख (मंसिर २० गते) मा अन्तर्राष्ट्रिय महिला शहीद दिवसको अवसरमा माइतीघर मण्डलामा कार्यक्रम गरिने भएको हो ।

महिला मानव अधिकार रक्षकहरुको राष्ट्रिय सञ्जालले आयोजना गर्ने कार्यक्रममा स्थापित कविहरुको कविता वाचनपछि मैनबत्ती बालेर महिला शहीदलाई सम्झिने कार्यक्रम रहेको सञ्जालका कार्यक्रम व्यवस्थापक नमिता नेपालले जानकारी दिइन् ।

नेपालका अनुसार ३ बजेदेखि शुरु हुने कार्यक्रम ५ बजे समापन हुनेछ ।

कति छन् महिला शहीद ?

गृह मन्त्रालयसँग ०६२/ ०६३ को दोस्रो जनआन्दोलन र सो पछि भएको मधेस आन्दोलनमा मारिएका ६ महिला शहीदको तथ्याङ्क छ । दोस्रो जनआन्दोलनमा बाँकेकी सेतु विक र चितवनकी तुलसी क्षेत्रीले ज्यान गुमाए । यसैगरि, ०६४ फागुनमा भएको मधेश आन्दोलनमा सम्झना राई (भोजपुर), रञ्जुदेवी झा (महोत्तरी), चन्द्रिका यादव (रुपन्देही), कोइली कोरी (बाँके) ज्यान गुमाए । यी सबैलाई सरकारले शहीद घोषणा गरेको छ ।

त्यसैगरी, जनकपुरका पत्रकार उमा सिंहलाई पत्रकार शहीद भनेर घोषणा गरिएको छ । सिंहको अज्ञात समूहको आक्रमणवाट २ माघ ०६५ मा हत्या गरिएको थियो । सरकारले २१ भदौ ०७३ मा द्ररौपदीदेवी चौधरी (मोरङ), रामशिलादेवी मण्डल (महोत्तरी), रञ्जना सिंह (रुपन्देही), नन्दनी पाण्डे (रुपन्देही) र सोमती मुराउ (रुपन्देही) लाई पनि शहीद घोषणा गरेको छ ।

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: