साँच्चैकी भगवान


प्रकाशित मिति :2019-12-15 12:23:39

गर्भमा हुँदा,
उ नचल्दा उनको स्वाँस नै नचलेजस्तो,
उसले साउति नमार्दा उनको धड्कन नधड्केजस्तो,
उसको लात्ताको कम्पनले पट्पटी छाला फुटे पनि,
उसको साउतिले शरीर थिलथिलो भए पनि,
हाँसी-हाँसी खुशी साँट्ने,
उसकै चाल र कम्पनको पर्खाइमा आफूलाई भूलिदिने ।

प्रशव वेदनास
घण्टौपछिको छटपटाहटपछि शरिर चिरेर उ निस्कदा,
अनगिन्ती पीडाहरूलाई छिचोल्दै उ च्या गर्दा,
सबै वेदना, चित्कारहरु, उसलाई देख्दै भूलिदिने,

उसकै सपनाका पुलिन्दाहरूमा आफू हराउने।
आजभोली उनको घडी फेरिएको छ,
निद्रा,
भोक,
आराम,
सबै उसकै नाममा अर्पित छन् ।

उ निदाउँदा आफू निदायजस्तै,
उ अघाउँदा आफू अघाएजस्तै,
उ आराम, स्वस्थ र मस्त भए आफै भएजस्तै,
न खाने, न सुत्ने, न त उठ्ने ठेगान,
उनका सबै खुशीहरु
उनकै हेराइ,
उनकै हँसाइ,
उनकै समयसंग साटिएका छन् अचेल।
हो,
उनकाजस्तै,
मेरी आमाले मेरा लागि,
तपाईंकी आमाले तपाईँका लागि,
आफ्ना सबै चाहना र खुशीहरू लुटाएकी त होलिन्,
त्यसैले,
भगवान त केवल कल्पना र भ्रम मात्रै हो जस्तो लाग्ने,
आमा नै भगवान हो जस्तो लाग्ने,
आमा नै साक्षात् भगवान हुनजस्तो लाग्ने !
उनकी आमा,
मेरी आमा,
र तपाईंकी आमा, हामी सबैकी आमा साँच्चै भगवान हुन किन नभन्ने ?

    Comment Here!

Related NEWS
मुख्य खबर

यौनिजिवीहरुको कुरुप सभा

-हिरा दाहाल- संसद भवनको देब्रेतिरको बाटोका गल्लीमा टहल्दै गर्दा लत्पतिएका रगतका अक्षरमा “यौनिजिवीहरुको कुरुप सभा” लेखिएको बोर्डमा

“सृष्टीको सर्बत्र संरचना नै आमा हुन्”

-दिपा मेवाहाङ राई- हजारौं प्रश्नमा कसैले सोध्यो भने ब्रह्माण्ड र आमा को पहिलो हुन्? निर्धक्क भएर भन्न सक्छु म आमा

पत्रकार पहराइको मृत्युको कारण आत्महत्या हैनः प्रतिवेदन

-महिला खबर- कैलाली घोंडाघोडी– ४ की २३ वर्षीया पत्रकार निर्मला पहराइको मृत्युको कारण आत्महत्या नभई हत्या

यो देशमा जनजातिको खास लडाइँ त अझै बाँकीेः भद्रकुमारी घले

-विमला तुम्खेवा- ८९ वर्षको उमेरमा पनि सुश्री भद्रकुमारी घलेको अनुहारमा उस्तै उर्जा छ । शान्त र

छोरी

-अन्शु खनाल- प्यारी छोरी जन्मनु आफैमा जित्नु हो यसमानेमा जिन्दगीको सुरुवात जित बाटै गरेकी हौ तिमीले पनि ।

Read more
© 2015.All rights reserved by mahilakhabar.com
%d bloggers like this: