बन्धक बनाइ देह व्यापारमा लगाउने पक्राउ


प्रकाशित मिति :2019-12-17 12:33:34

–महिला खबर–

चितवन । चितवनमा बन्धक बनाएर एक युवती र एक किशोरीलाई देह व्यापारमा लगाएको आरोपमा तीन जना पक्राउ परेका छन् । जिल्ला प्रहरी कार्यालयले सोमबार पत्रकार सम्मेलन गरि पक्राउ परेका ५० वर्षीय होटल संचालक जङ्गबहादुर क्षेत्री, उनकी श्रीमती ३९ वर्षीया निर्मला थापा र धरान उपमहानगरपालिकाकी २४ वर्षीया रेसिका राईलाई सार्वजनिक गरेको छ ।

गएको कार्तिक २७ गते काठमाडौँबाट हराएकी ती युवती र किशोरीलाई चितवनमा ल्याएर देह व्यापारमा लगाएको जिल्ला प्रहरी कार्यालय चितवनका प्रहरी उपरीक्षक दानबहादुर मल्लले बताए ।

भरतपुर महानगरपालिका वडा नम्बर २९ मा रहेको होटल खोटाङ हलेसी एण्ड सगरमाथा गेष्ट हाउसका सञ्चालकले काठमाडौँबाट हराएका उनीहरूलाई देह व्यापारमा लगाएको प्रहरीको दाबी छ ।

प्रहरीका अनुसार काठमाडौँमा कोठा भाडा गरि बस्ने २२ वर्षीया युवती र १४ वर्षीया किशोरीलाई काठमाडौँबाट चितवनसम्म ल्याउने काम धरानकी युवतीले गरेको खुलेको छ । ती दुईलाई एउटा बन्द कोठामा राखेर देह व्यापार गराइएको थियो ।

पत्रकार सम्मेलनमा दिइएको जानकारीअनुसार बन्धक बनाई देश व्यापारमा लगाइएका उनीहरूले गोप्य तरिकाले घरमा सन्देश पठाएपछि प्रहरीले सो होटलमा छापा मारेको थियो ।

प्रहरीको निगरानीपछि उनीहरूलाई मुग्लिनतर्फ लैजाने क्रममा पक्राउ गरिएको प्रहरी प्रमुख मल्लले जानकारी दिए । उनीहरूले पक्राउपछि सोही होटलमा देहव्यापारमा लगाएको जनाएका थिए । त्यसपछि उनीहरूसहित प्रहरी होटल पुगेर हेर्दा अन्धकार कोठामा राखेर देहव्यापारमा लगाइएको पाइएको मल्लले बताए ।

पक्राउ परेका तीनै जनालाई मानव बेचबिखन तथा ओसारपोसार मुद्दामा अनुसन्धानका लागि सरकारी वकिल कार्यालयमार्फत पाँच दिनको समय थप गरी अनुसन्धान सुरु गरिएको छ ।

    Comment Here!

Related NEWS
मुख्य खबर

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

ससंकटमा छोरी सन्तान

-बिशाल सुनार- दैलेख । लिङ्ग पहिचानसहितको गर्भाधान होस् वा गर्भपतन कानुनतः अपराध हो । तर पनि

सुगा

-कविता राई- आँखामा सक्कली निरीहता ओढेर बाँचिरहेछु सृष्टिभ्रम असती समयको जाँतोले किचिएर पिलिएको छातिबाट ओकलिरहेछु अप्राकृतिक लय !

‘लैङ्गिक उत्तरदायी तथा समावेशी जैविक विविधता संरक्षण’ सम्बन्धि भर्चुअल सम्मेलन सम्पन्न

-महिला खबर- “लैङ्गिक उत्तरदायी तथा समावेशी जैविक विविधता संरक्षण” सम्बन्धि भर्चुअल सम्मेलन देशभरको पच्चीस जिल्लाबाट करिब

Read more
ताजा अपडेट
© 2015.All rights reserved by mahilakhabar.com
%d bloggers like this: