छाउ प्रथा विरुद्ध निरुदेवी पाल कडा रुपमा प्रस्तुत, गोठमा बस्ने महिलालाई पनि कार्वाही हुने


प्रकाशित मिति :2020-01-07 11:16:08

–महिला खबर–

ललितपुर । प्रतिनिधिसभा अन्तर्गतको महिला तथा सामाजिक समितिकी सभापति निरुदेवी पाल छाउपडी प्रथा विरुद्ध कडा रुपमा प्रस्तुत भएकी छन् । समितिको सोमबार बसेको बैठकमा सभापति पाल कडा रुपमा प्रस्तुत भएकी हुन् । समितिको बैठकले महिनावारी भएका बेला छाउ गोठमा बस्ने महिला र बस्न लगाउने अभिभावकलाई कडा कारबाही गर्न गृह मन्त्रालयलाई निर्देशन दिएको छ ।

पालका अनुसार बैठकले संस्कारका नाममा कानून नमान्ने र गलत व्यवहार गर्ने कसैलाई छुट नहुने भन्दै छाउपडी प्रथा मान्दै आएका अभिभावक र महिलालाई कारबाही गर्ने व्यवस्था मिलाउन गृह मन्त्रालयलाई निर्देशन दिएको हो ।

प्रथा र परम्पराका नाममा कसैले पनि मृत्युवरण गर्न नहुने भन्दै अमानवीय संस्कारगत व्यवहारहरु अन्त्य गर्न राज्य कडा रुपमा प्रस्तुत हुन आवश्यक देखिएपछि यस्तो पहल थालेको सभापति पालको भनाइ छ । त्यसका लागि समितिले महिला मन्त्रालय, गृह मन्त्रालय र सम्बन्धित जिल्ला प्रशासन कार्यालयलाईसमेत निर्देशन दिएको छ ।

समन्वयका लागि संघीय मामिला तथा सामान्य प्रशासन मन्त्रालय र महिला बालबालिका तथा जेष्ठ नागरिक मन्त्रालयलाईसमेत निर्देशन दिइएको समितिकी सभापति निरुदेवी पालले जानकारी दिइन् ।

समितिले गएको वर्ष बाजुरा लगायतका जिल्लाको स्थलगत अध्ययन गरि अल्पकालिन र दिर्घकालिन सुझावसहितको प्रतिवेदन महिला मन्त्रालयमा पठाएको थियो । तर, प्रतिवेदन कार्यान्वयमा नआएको भन्दै तत्काल रणनीति बनाएर प्राथमिकताकासाथ कार्यान्वयनमा ल्याउन पनि निर्देशन दिएको छ ।

यसैगरी सुदूरपश्चिम तथा कर्णाली प्रदेश एवं पालिकासँग समन्वय गरि तत्काल कार्यसम्पादन गर्न पनि महिला मन्त्रालयलाई निर्देशन दिइएको छ । यस्ता कुसंस्कारको अन्त्य गर्न आवश्यक बजेट उपलब्ध गराउन अर्थ मन्त्रालयलाई पनि निर्देशन दिइएको सभापति पालले जानकारी दिइन् ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: