छाउगोठमा भाइबुहारीको मृत्यु भएपछि पक्राउ परेका जेठाजु धरौटीमा रिहा


प्रकाशित मिति :2020-01-08 12:11:53

–महिला खबर–

ललितपुर । भाइबुहारीलाई छाउगोठमा राखेका कारण मृत्यु भएको भन्दै पक्राउ परेका अछामका छत्र रावत धरौटीमा रिहा भएका छन् ।

साँफेबगर नगरपालिका वडा नम्बर ३ सिद्देश्वरकी २१ वर्षीया पार्वती बुढा रावतको महिनावारी भएका बेला मंसिरको दोस्रो साता राति छाउगोठमा निधन भएपछि प्रहरीले घटना अनुसन्धानका लागि भन्दै उनका जेठाजु छत्र रावतलाई पक्राउ गरेको थियो ।

जिल्ला प्रहरी कार्यालय अछामका डीएसपी दिपक भारतीका अनुसार रावतलाई चार दिन अघि १५ हजार धरौटीमा रिहा गरिएको हो ।

मृतक पार्वतीका श्रीमान् वैदेशिक रोजगारीको सिलसिलामा भारतमा रहेको र सासूससुरा पनि घरमा नभएकाले घरको तत्काल अभिभावक रहेका आधारमा प्रहरीले जेठाजुलाई पक्राउ गरेको थियो ।

पशुपती कुँवर

पशुपतीले दिएकी थिइन् जाहेरी

मुलुकी अपराध संहिता लागु भइसकेको अवस्थामासमेत त्यसको कार्यान्वयन नहुँदा महिलाको अकालमै ज्यान जाने काम नरोकिएको भन्दै छाउपडी प्रथा विरुद्ध दुई दशकभन्दा लामो समयदेखि क्रियाशील अभियन्ता पशुपती कुँवर लगायतले प्रहरीमा जाहेरी दर्ता गरेपछि छत्रलाई पक्राउ गरिएको थियो ।

कुँवर अछामको साँफेबगर नगरपालिका निवासी हुन् । उनले आफ्नै ठाउँमा छाउगोठमा महिलाको मृत्यु भएको घटना विरुद्ध कानूनी न्याय नखोज्दा आफूलाई बाँचुञ्जेल पिरोल्ने भएकाले पार्वतीको न्यायका लागि जाहेरी दर्ता गरेको बताइन् ।

मुलुकी अपराध संहिताको दफा १६८ को उपदफा ३ मा महिलाको रजश्वला भएको वा सुत्केरी अवस्थामा छाउपडी गोठमा राख्न वा कुनै किसिमका भेदभाव, छुवाछुत र अमानवीय व्यवहार गर्नु गराउनु हुँदैन भनिएको छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: