संचार माध्यम लैंगिक संवेदनशील हुनै पर्नेमा जोड


प्रकाशित मिति :2020-01-09 16:56:29

–महिला खबर–

ललितपुर । राष्ट्रिय महिला आयोगले मिडियामा लैंगिक संवेदनशीलता सम्बन्धमा आज काठमाडौंमा पत्रकारहरुसंग अन्तरक्रिया गरेको छ ।

कार्यक्रममा वियोण्ड बेइजिङ कमिटीका अध्यक्ष शान्तालक्ष्मी श्रेष्ठले लैंगिक संवेदनशील रिपोटिङ विषयमा कार्यक्रम प्रस्तुत गर्दै मूल धारका संचार माध्यमले महिलाको पक्षमा तथा सामाजिक कुरीति विरुद्धका विषयलाई महत्वका साथ उठाउने गरेको बताइन् । यद्यपि कहिलेकाहिँ पत्रकारहरु विषयप्रति अनजान हुँदा त्यसले नकारात्मक असर पारिरहेका उदाहरण प्रस्तुत गरिन् ।

राष्ट्रिय महिला आयोगका सचिव दीपेन्द्र काफ्लेले आयोगको परिचय, चुनौती र भावी कार्यदिशाबारे कार्यपत्र प्रस्तुत गर्दै आयोग संवैधानिक भएको चार वर्ष बितिसक्दा पनि पदाधिकारी नियुक्त नहुँदा अपेक्षित कामहरु हुन नसकेको बताए ।

नेपाल पत्रकार महासंघकी केन्द्रीय सचिव लक्ष्मी पुनले पत्रकार महिलाहरुको सुरक्षा विषयमा कार्यपत्र प्रस्तुत गर्दै नेपालमा पत्रकार महिलाहरुको भौतिक सुरक्षा नभएको बताइन् ।

अभियन्ता कविता राइले अनलाइन मिडियामा महिला र अल्पसंख्यकको प्रतिनिधित्व विषयमा कार्यपत्र प्रस्तुत गर्दै नेपालका अनलाइन मिडियाले महिला र अल्पसंख्यकको मानमर्दन हुने गरि समाचार तथा सामाग्री प्रकाशन गर्ने गरेको बताइन् ।

कार्यक्रममा संचार माध्यम नै लैंगिक संवेदनशील नभए त्यसको असर समग्र समाजमा पर्ने भन्दै संचार माध्यमका सम्पादक, डेस्क सम्पादक लगायत त्यहाँ काम गर्ने सबै पत्रकारहरु यो विषयमा जानकार हुनै पर्नेमा जोड दिइयो ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: