गोदावरीका १ सय १५ छाउगोठ पनि स्वाहा


प्रकाशित मिति :2020-01-10 11:23:15

–धुर्ब ओझा–

कैलाली । छाउपडी प्रथा उन्मुलनका लागि छाउगोठ भत्काउने अभियान अन्तर्गत कैलालीमा १ सय १५ वटा छाउगोठ भत्काइएका छन् । गोदावरी नगरपालीकाको वडा नम्बर १० र १२ मा समुदाय–प्रहरी साझेदारी कार्यक्रम अन्र्तगत प्रहरी र समाजिक अभियन्ताको सहभागितामा छाउगोठ भत्काइएका हुन् ।

ईलाका प्रहरी कार्यालय मालाखेतीका प्रहरी नायब उपरीक्षक (डिएसपी) ज्ञान बहादुर बिष्टको नेतृत्वको टिमले सञ्चालन गरेको छाउपडी प्रथा विरुद्धको अभियान अन्तर्गत गोदावरी नगरपालिकामा रहेका १ सय १५ छाउगोठ भत्काइएका छन् ।

जनप्रतिनिधि, स्थानीय क्लबहरू, अगुवा महिला, संघसंस्थाका प्रतिनिधि, विद्यार्थी लगायतको सहभागितामा गोठहरू भत्कार्ईएको प्रहरी नायब उपरीक्षक विष्टले जानकारी दिए ।

नगरपालिकाको वडा नम्बर १० सिउडी कटान, स्वार कटान, सितापुर, भागेश्वर क्षेत्रमा रहेका ४६ र वडा नम्बर १२ कोल्मुडा, कटान लगायतका क्षेत्रका ६९ वटा छाउपडी गोठहरू भत्काईएको प्रहरी नायब उपरीक्षक बिष्टले बताए ।

यस बिषयमा समुदाय–प्रहरी साझेदारी कार्यक्रम अन्र्तगत सचेतना समेत फैलाएको बताइएको छ ।

जिल्लामा सामाजिक कुसंस्कारको रूपमा ब्याप्त रहेको छाउपडी प्रथा उन्मुलनका लागि स्थानीय प्रशासनले पनि कडाइका साथ काम शुरु गरेको छ ।

धर्म, संस्कृति र परम्पराको नाममा कुसंस्कार उन्मुलन गर्न कडाई गरिएको हो । पहिलो चरणमा जिल्लाभर छाउगोठ भत्काउने अभियान थालिएको छ ।

छाउगोठ भत्काउन स्थानीय तहका जनप्रतिनिधि पनि सक्रिय छन् । जिल्लाका अधिकांश बस्तीहरूमा महिनावारी हुँदा गाई भैसी बाँधेकै ठाउँमा बस्ने महिलाहरूको संख्या अत्याधिक छ ।

छाउपडी प्रथा एक सामाजिक अपराध, कुरीति, अन्धविश्वास भएकाले महिनावारी भएका महिलामाथि सामाजिक भेदभाव नगर्न नगराउन प्रशासनले उर्दी जारी गरेको थियो ।

कैलालीमा समेत कुप्रथाका रुपमा रहेको छाउपडी प्रथालाई पूर्ण रुपमा नियन्त्रण गर्न जिल्लास्थित सबै स्थानीय तहलाई पत्राचार समेत गरिएको छ । छाउपडी प्रथालाई प्रसय दिने गरी कुनै गतिविधि भए वा गरेको पाइएमा मुलुकी फौजदारी संहिता २०७४ बमोजिम कारवाही हुने प्रशासनको चेतावनी छ ।

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: