भगवान छन् त ?


प्रकाशित मिति :2020-01-14 11:28:11

तिमीले भन्यौ भगवान छ, मैले माने
निर्ममतापूर्वक उनको हत्या भयो
त्यो हत्यालाई तिम्रो भगवानले रोक्न सकेन
त्यो पनि मैले माने ।

तिमीले भन्यौं भूत छ, मैले माने
त्यो भूत यानेकी उनको आत्मा
यदि साँच्चिकै भूत अर्थात उनको आत्मा
भएको भए
फेरि त्यो हत्यारा किन जीवित हुन्थ्यो ?

भगवान भएको भए
उनको हत्या किन हुन्थ्यो ?
अनि फेरि उनको आत्मा फर्किएर आउने भए
त्यो हत्यारा फेरि किन जीवित हुन्थ्यो ?

रुपा थापा

सोध्छन् कसैले मलाई यहा
के त बौलाईस र ?
त्यो चिहानमा मस्तसंग निदाएर बस्छेस्
डर लाग्दैन तलार्ई ?
किन अहिलेसम्म त्यो मृत शरीरले
कुनै जिउँदो मान्छे मारेको ?
समाचारका पानाहरूमा छापिएर आएको छ र
भन त चिहानमा गाडिएका
ति हड्डिहरू जोडिएर फेरि फर्कि आएका छन् र ?

मध्यरातमा म त्यो चिहानमा
एक्लो एक्लो टोलाएर बसिरहँदा
फर्किएर आइदिए हुन्थ्यो नि ति मृत आत्माहरू
मैले गीतहरू घन्काउदा
मसंगै नाँच्नलार्ई
अनि मैले आँसुहरू झार्दा
मसंगै आँसुहरू झार्नलार्ई
अनि म अट्टाहाससंग हाँसिरहँदा
मसंगै जोड जोडले हाँस्नलार्ई
अनि अचानक त्यो मध्यरातमा
वर्षातका थोपाहरू वर्षिदा
म संगसंगै रुझ्नलाई ।

समाचारका पानाहरूमा छापिएका
उनको हत्याका कथा र कारणहरू
बलात्कार अनि त्यसपछि हत्या
मन्दिर मस्चिद, गुम्वा अनि चर्च
भागवत गीता, कुरान, त्रिपिटक र वाइवल
आखिर रोक्न मिल्ने भए
जस्ले रोकेको भए पनि त हुन्थ्यो
तेरो भगवान, मेरो भगवान भन्नेहरूले
किन रोक्न सकेन त्यो हत्या ?
या भनौ किन रोक्न सक्दैन त्यो पार्थनाले
अनि गुम्बामा बालिएका ति दीपहरूले ?
आखिर जसले रोकेको भए पनि त हुन्थ्यो
चाहना एउटै थियो
म त्यो चिहान र श्मसान घाट धाउनुमा
यदि उनको आत्मा फर्केर आउने भए
उनको त्यो आत्मालाई भेट्ने
तर आउदैन उनको त्यो आत्मा फर्केर
अनि बन्दैन कुनै समाचार
उनको आत्माबाट त्यो हत्याराको हत्या भएको ।

त्यसैले तिमीले मानेको भगवान
अनि तिमीले गर्ने पार्थना
जो उनको हत्या रोक्न सक्दैन
अनि तिमीले मानेको त्यो भूत
यानेकी उनको त्यो आत्मा
जीवित हुँदा पनि त्यो हत्यारा
फेरि फेरि फर्केर आउदैन ।

अब भन म किन डराउने
त्यो चिहान र त्यो श्मसान घाटसंग ?
जहा जीन्दगीको अन्त्यसंगै
नभेटिएका मेरा कयौं प्रश्नहरूसंग
उ वर्षौदेखि त्यसरी नै दबाएर निदाइरहेछ
मलाई ब्यूझाउनको लागि त्यो चिहानमा
फेरि फर्केर आउदैनन् किन ति म्रतात्माहरू ?

विदुर १ नुवाकोट

    Comment Here!

Related NEWS
मुख्य खबर

सञ्चारिका अध्यक्ष सहित तीन पत्रकार महिलालाई राष्ट्रिय पुरस्कार

-महिला खबर- नेपाल सरकार सूचना तथा सञ्चार प्रविधि मन्त्रालयले प्रदान गर्दै आएको ‘राष्ट्रिय पत्रकारिता पुरस्कार’ सञ्चारिका

संसदीय मामिलाको नेतृत्वमा महिलाको संभावना/अध्यक्षमा कृष्णा पौडेलको उम्मेदवारी

-महिला खबर- संसदीय गतिविधिको समाचार संकलन गर्ने पत्रकारहरुको संस्था संसदीय मामिला पत्रकार समाजको नेतृत्वमा पहिलो पटक

पत्रकार रुपा शर्मा नेहालाई राष्ट्रिय मिडिया एक्सिलेन्स कन्ट्रिव्युसन अवार्ड

-महिला खबर- संचारको माध्यमबाट समाजिक रुपान्तरणमा शसक्त भुमिका निर्वाह गर्नुका साथै समाजिक अभियानमा क्रियाशिल भएको भन्दै

हिंसा र पारिवारिक खटनको शोक छ! गरीबी र चेतनाविहिनताको रोग छ!

-ललिता साह- राजविराज नगर पालिका वडा न. ८ की निकिता यादव १७ महिना को अन्तरालमा दुईवटा

सञ्चारिका समूहको साधारणसभा सम्पन्न

-महिला खबर- सञ्चारिका समूहको २४ औं वार्षिक साधारणसभा आज काठमाडौंमा भर्चुअल रुपमा सम्पन्न भएको छ ।

Read more
ताजा अपडेट
© 2015.All rights reserved by mahilakhabar.com
%d bloggers like this: